പണ്ട്.............
ഒരു ദിവസം മൂപ്പില്‍ നായര്‍ ഇന്നത്തെ പരിപാടി നായാട്ടെന്നു തീര്‍ച്ചയാക്കി. നായട്ടിന്നു ഇഷ്ടമ്പോലെ കാടു ഉണ്ട്.സഹായികള്‍ ഉണ്ട്.മേത്തരം തോക്ക്,കത്തി എന്നിവയും.
എല്ലാരും കൂടെ പുറപ്പെട്ടു.
സഹായികള്‍ കാടിളക്കി.
ഒരു മുയല്‍ വഴിയില്‍ ചാടി...
പക്ഷേ, അതല്ല ലക്ഷ്യം.മൂപ്പില്‍ നായര്‍ക്കു പുലിയാണു ഉന്നം..പുലിയെ വെടിവെക്കണം...അതാണു ഗമ...
ഉച്ചവരെ നോക്കി...പുലി പോയിട്ട് എലിപോലും ഇല്ല...
സുഖമായി ഭക്ഷണം കഴിച്ചു...ഒന്നു വിശ്രമിച്ചു...
വീണ്ടും നായാട്ടിനിറങ്ങി....
യജമാനനു പുലിയെ കിട്ടാന്‍ എല്ലാരും ശ്രമം ചെയ്തു....
ഇനി തിരിയെ ഇറങ്ങിയില്ലെങ്കില്‍ മാളികയിലെത്താന്‍ വൈകും....
സഹായികള്‍ക്ക് പരിഭ്രമം ആയി....തിരിച്ചു പോരാറായി....പുലിയെ ത്രനേരമായിട്ടും കണ്ടതുതന്നെയില്ല.
യജനാനന്നു അസാരം മുഷിഞ്ഞു...
അദ്ദേഹം പിന്നെ മറ്റൊന്നും ചിന്തിച്ചില്ല..നിറതോക്ക് ഉന്നം പിടിച്ചു നാലു ദിക്കിലേക്കും നന്നാലു വെടിപൊട്ടിച്ചു...
ങ്ങാ...ങ്ങാ....ഇനി പൂവ്വാ....വേഗം... : യജമാനന്‍.
അപ്പോ പുലി?.....
അതൊക്കെ ഇനി വന്നാല്‍ കൊണ്ടൊട്ടെ...
വെടി വെച്ചിട്ടിട്ടുണ്ട്.....വന്നാ കൊണ്ടോട്ടെ....കൊള്ളും സംശല്യ...
തിരിച്ചു വേഗം കാടിറങ്ങി.
2 comments:
മനോഹരമായി എഴുതിയിരിക്കുന്നു, നല്ല സുഖമുള്ള വായന
‘ഓടുന്ന പട്ടിയ്ക്ക് ഒരു മുഴം മുൻപേ’
എന്നൊക്കെപ്പറയുന്നപോലെ ആയിരിക്ക്യോ?
Post a Comment