sujanika / സുജനിക

കുട്ടി പരീക്ഷ എഴുതുകയായിരുന്നു...

2012-01-28T20:58:00.001-08:00

പരീക്ഷ– 3

പരീക്ഷഎന്നു കേള്‍ക്കുമ്പോള്‍ പരീക്ഷയുടെ ബെല്ല്,ഇന്‍വിജിലേറ്ററുടെസാന്നിധ്യം,സമയകൃത്യത,അച്ചടക്കം ,ജയം /തോല്‍വി എന്നിങ്ങനെനിരവധി സംഗതികള്‍ മനസ്സില്‍നിറയും...എല്ലാം കൂടി അകത്തൊരു പേടി ഉണ്ടാക്കും.

എന്നാല്‍പരീക്ഷ എന്നു പറയുന്നില്ലെങ്കിലോ?ഇതൊന്നും ഇല്ല.ശാന്തമായ ഒരുഅന്തരീക്ഷം ഉണ്ടാവുകയും കുട്ടി അസ്സലായി പഠിക്കുകയും കുട്ടിതന്നെ അറിയാതെ ജയിക്കുകയും ചെയ്യും. പക്ഷെ,ഇതു നമ്മുടെആളുകള്‍ക്ക് ഇനിയും ബോധ്യമായിട്ടില്ല എന്നത്മറ്റൊരുകാര്യം.അതാണല്ലോ CEഇപ്പൊഴും ശ്രദ്ധിക്കപ്പെടാതെ കിടക്കുന്നത്.

ചോദിക്കട്ടെ,എന്താണ്`പരീക്ഷ?പഠിപ്പിച്ച ഒരുസംഗതിയുടെ അടിസ്ഥാനത്തില്‍കുട്ടിക്ക് ഒരു പ്രവര്‍ത്തനം മികച്ച രീതിയില്‍ ചെയ്യാന്‍കഴിയുന്നുണ്ടോ എന്ന് [അധ്യാപിക]മനസ്സിലാക്കലാണ്`പരീക്ഷ.'എത്രത്തോളം മികവ് ' എന്ന്അളക്കും; അളക്കണം.

ഒരുക്ളാസ് സന്ദര്‍ഭം നോക്കാം:'കാലിലാലോലം ചിലമ്പുമായ്'എന്ന യൂണിറ്റ്പഠിപ്പിക്കുന്നതിനിടയ്ക്ക്സ്വാഭാവികമായും നിരവധിപ്രവര്‍ത്തനങ്ങള്‍ കുട്ടികള്‍ഒറ്റക്കും കൂട്ടായും ചെയ്യുന്നുണ്ട്.ഉദാഹരണത്തിന്ന്:' ആര്‍ട്ട്അറ്റാക്ക് ' എന്നശീര്‍ഷകം സൃഷ്ടിക്കുന്നഅര്‍ഥതലങ്ങള്‍ എന്തൊക്കെയെന്ന്കുറിക്കുക -എന്നൊരു പ്രവര്‍ത്തനം ക്ളാസ് മുറിയില്‍ ചെയ്തുവല്ലോ.ഗ്രൂപ്പ്പ്രവര്‍ത്തനം,അധ്യാപികയുടെസഹായം, സ്വയം ശ്രമങ്ങള്‍ ,മുന്‍ അറിവുകള്‍,താരതമ്യപ്പെടുത്തലുകള്‍,മെച്ചപ്പെടുത്തല്‍....തുടങ്ങിഒരു പാട് ഘട്ടങ്ങളിലൂടെ കുട്ടിഇതിന്റെ 'ഉത്തരം'കുട്ടി നന്നായിഎഴുതിയി [ കുറിച്ചി] രിക്കും.[ അധ്യാപിക ഇത്ശ്രദ്ധിക്കുകയും ചിലപ്പോള്‍CE യുടെഭാഗമായി പരിഗണിക്കുകയും ചെയ്തിരിക്കും.]

ശീര്‍ഷകത്തിന്റെഔചിത്യം - എന്നപ്രവര്‍ത്തനം ചെറിയ ക്ളാസ്‌‌മുതല്‍കുട്ടി പരിശീലിക്കുന്നതാണ്`.ക്ളാസ് മുറിയിലും,വീട്ടിലും,മറ്റെവിടെയും...[ ശാന്തമായ ഒരുഅന്തരീക്ഷത്തില്‍ ] ഇത് നന്നായിചെയ്യാനും കുട്ടിക്ക്പ്രയാസമില്ല.ചെറിയ /വലിയ കഥാഭാഗങ്ങള്‍കൊടുത്ത് എപ്പോള്‍ വേണമെങ്കിലും നമുക്കിത് ബോധ്യപ്പെടാം.കുറിപ്പുകള്‍എന്ന വ്യവഹാരം ഉപയോഗിക്കുന്നില്ലെങ്കിലും എന്തു വായിക്കുമ്പോഴും /എഴുതുമ്പോഴും ഈ പ്രക്രിയ മാനസികമായി എല്ലാകുട്ടിയും ചെയ്യുന്നുമുണ്ട്.

ഭാഷാക്ളാസുകളില്‍ മാത്രമല്ല,എല്ലാവിഷയക്ളാസുകളിലും ഇതുതന്നെയാണ്`സംഭവിക്കുന്നത്.അധ്യാപികകാര്യങ്ങള്‍ പഠിപ്പിക്കുന്നതിനിടയ്ക്കും അതിനു ശേഷവും നല്കുന്നചെറിയതും വലിയതുമായപ്രവര്‍ത്തനങ്ങള്‍ കുട്ടിനന്നായി ചെയ്തുതീര്‍ക്കുന്നു.അധ്യാപിക അതുശ്രദ്ധിക്കുകയും ചെയ്യുന്നു.ഇതൊന്നും കേവലആവര്‍ത്തനങ്ങളല്ല.എല്ലാം പുത്തന്‍പ്രവര്‍ത്തനങ്ങള്‍ തന്നെ.അതൊക്കെയും ഓരോകുട്ടിയും അവര്‍ക്കുകഴിയുന്നത്രമികവില്‍ സ്വയം ചെയ്തുതീര്‍ക്കുന്നു.ജയം കിട്ടുന്നു.ക്ളാസ്മുറിയിലെസ്വാഭാവിക കാലക്രമവും,ശാന്തമായ -പഠനസന്നദ്ധമായഅന്തരീക്ഷവും ഈ ജയം നിര്‍മ്മിക്കുകയാണ്`.

എന്നാല്‍ഇതേ പ്രവര്‍ത്തനം പരീക്ഷാഹാളില്‍ നടക്കുമ്പോള്‍ അവസ്ഥയാകെ മാറുന്നു എന്നാണോ?നേരത്തെ സൂചിപ്പിച്ചപരീക്ഷാ പരിസ്ഥിതിയുടെസമ്മര്‍ദ്ദമാണത്.ഇതിനെ മറികടക്കാന്‍ കുട്ടിക്ക് മാനസികമായികഴിഞ്ഞാല്‍ പേടി പമ്പ കടക്കുന്നു.അത്:

പരീക്ഷയും പരീക്ഷാഹാളിന്റെ ചുറ്റുപാടും അവഗണിക്കുക.
പരീക്ഷാഹാളിനേയും ക്ളാസ്മുറിയായി- പഠനമുറിയായി കണക്കാക്കുക.
പഠനത്തിന്റെ സാധാരണ അച്ചടക്കം മാത്രം പുലര്‍ത്തുക.
പരീക്ഷ പഠനം തന്നെയെന്ന് മനസ്സിലാക്കുക.
എഴുതിയും വായിച്ചുനോക്കിയും ചെറിയ തിരുത്തലുകളും കൂട്ടിച്ചേര്‍ക്കലുകളും സ്വയം ചെയ്യുക.
പ്രവര്‍ത്തനം മികച്ചതാക്കാന്‍ പരിശ്രമിക്കുക. ജയപരാജയങ്ങളെ കുറിച്ച് വേവലാതിപ്പെടാതിരിക്കുക. [ നന്നായി ചെയ്യലാണ് പ്രധാനം . ജയം അതോടൊപ്പം ഉണ്ട്. ]
പ്രവര്‍ത്തനങ്ങളില്‍ മാത്രം ശ്രദ്ധിക്കുക. മറ്റു ചിന്തകള്‍ മാറ്റിവെക്കുക.
ചെയ്യാന്‍ കഴിയാതെ പോകുന്നവയെ കുറിച്ചുള്ള ഉത്കണ്‍ഠ മാറ്റിവെക്കുക.

ഏതൊരാളുടേയും സാധാരണ ജീവിതത്തില്‍ഇതൊക്കെത്തന്നെയാണ്`സംഭവിക്കുന്നത്.നമുക്കിഷ്ടമല്ലാത്തത്അവഗണിക്കുക/മറക്കുക.എന്നാല്‍ സ്ഥിതിഗതികള്‍ക്കനുസൃതമായപെരുമാറ്റം [അച്ചടക്കം]പാലിക്കുക.ലക്ഷ്യം മാത്രം മുന്നില്‍ കാണുക.പരിസ്ഥിതിമോശമാണെങ്കില്‍ ലക്ഷ്യം ഉപേക്ഷിക്കാനാവില്ലല്ലോ.

ക്ളാസ്മുറിയിലും വീട്ടിലും കുട്ടി എന്നും പരീക്ഷ എഴുതുകയായിരുന്നു.കൂടുതല്‍മികവിലേക്ക് വളരുകയായിരുന്നു.പരിസ്ഥിതിയില്‍എന്നും ഉണ്ടാകാവുന്ന നേരിയവ്യത്യാസങ്ങളെ മറികടന്ന്....

ആയതിനാല്‍

നമുക്ക്പരീക്ഷയെ മറക്കാം;പരീക്ഷാഹാളിനെഅവഗണിക്കാം.....

പരീക്ഷപഠനം മാത്രമാണ്`; സ്വാഭാവികമായപഠനം.

ജയം അതോടൊപ്പം ഉണ്ട്.

പരീക്ഷക്കൊരുക്കം

2012-01-27T17:57:00.001-08:00

പരീക്ഷ 1

പരീക്ഷ 2

പരീക്ഷക്കൊരുക്കം

ഏപ്രില്‍മുതല്‍ കുട്ടികളെല്ലാരും എസ്.എസ്.എല്‍.സിപരീക്ഷക്ക് ഒരുങ്ങുകയായിരുന്നല്ലോ! ഇനിയെന്ത്വേവലാതി?

പഠിക്കാനൊരുങ്ങുന്നതിനേക്കാള്‍ ശ്രദ്ധ പരീക്ഷക്കൊരുങ്ങാന്‍വേണം . പഠിക്കാനൊരുങ്ങാന്‍വേണ്ടത്ര സമയം ഉണ്ട്;പരീക്ഷക്കതില്ല.ഇന്നത്തെ രീതിക്ക്- അത്അത്രത്തോളം അശാസ്ത്രീയമെങ്കിലും - പഠിപ്പ്കഴിഞ്ഞാണ്`പരീക്ഷ.അപ്പോള്‍ പഠിപ്പ്മുഴുവന്‍ കഴിഞ്ഞ് ഉഷാറായി,ആത്മവിശ്വാസത്തോടെപരീക്ഷക്കൊരുങ്ങാന്‍ നിലവില്‍വേണ്ടത്ര സമയം ഇല്ല. പരീക്ഷയെതകര്‍ക്കുന്ന പ്രധാന പ്രശ്നം ഇതുതന്നെയാണുതാനും.

പരീക്ഷക്കൊരുക്കം ആദ്യം തൊട്ടു തുടങ്ങുന്നു

പരീക്ഷഎങ്ങനെയാണോ അതിനനുസൃതമായാണ്`പഠനം എന്നത്തര്‍ക്കമറ്റതാണ്`.പരീക്ഷയുടെലക്ഷ്യം ജയം തന്നെ.പരീക്ഷയും പഠനമാണെന്ന സംഗതിയൊക്കെശരിതന്നെ. പക്ഷെ,നിലവില്‍ പരീക്ഷയുടെഉന്നം ജയം മാത്രം.തോറ്റല്‍ വീണ്ടും പരീക്ഷയെഴുതും ;ജയിക്കും.അല്ലെങ്കില്‍ജയിക്കും വരെ എഴുതും. അതുകൊണ്ടുതന്നെപരീക്ഷക്കുള്ള പഠനം നേരത്തെആരംഭിക്കാന്‍ ആലോചിക്കണം.അല്ലെങ്കില്‍പഠനമൊക്കെ പരീക്ഷക്ക് മാത്രമായി ക്രമീകരിക്കണം.സ്കൂളുകളില്‍പ്രത്യേകിച്ച് എസ്.എസ്.എല്‍.സി.ക്ളാസുകളില്‍ ഇങ്ങനെയാണ്`എവിടേയും.ക്ളസ്റ്ററും ട്രയിനിങ്ങും ഒക്കെ 9വരെയേ ഉള്ളൂ.പത്തില്‍പരീക്ഷക്കൊരുക്കം മാത്രം.സമ്പൂര്‍ണ്ണവിജയം മാത്രം ലക്ഷ്യം.പരീക്ഷയില്‍വിജയിക്കാനുള്ള തന്ത്രങ്ങളാണ്`അധ്യാപികയെനയിക്കുന്നത്.

ഇതുകാണിക്കുന്നത് പരീക്ഷക്കൊരുക്കം ഏപ്രില്‍ മുതല്‍ [വെക്കേഷന്‍ക്ളാസുകള്‍]തന്നെ സ്കൂളുകളില്‍ആരംഭിക്കുന്നു.'കളിയും ചിരിയും ' ഒന്നും ഇല്ല; പരീക്ഷക്കൊരുങ്ങല്‍മാത്രം.

കൃത്യമായി പാഠം തീര്‍ക്കലും പരീക്ഷകളെഴുത്തും പരിശീലനവും മോഡല്‍ പരീക്ഷകളും....
രക്ഷിതാക്കളെ വിളിക്കലും, ക്ളാസ് പി.ടി.എ. കളും, എം.പി.ടി.എ. കളും....
കുട്ടികളെ ചെറു ഗ്രൂപ്പുകളാക്കലും , അധ്യാപകരെ മേല്നോട്ടത്തിന്നും സഹായത്തിന്നുമായി ഏര്‍പ്പാടാക്കലും , നിരന്തര അന്വേഷണങ്ങളും...
ഗൃഹസന്ദര്‍ശനവും, പ്രാദേശികപഠനകേന്ദ്രങ്ങളും, സാംപത്തികമായ സഹായങ്ങളും....
കുട്ടിക്കും രക്ഷിതവിനും കൗണ്‍സലിങ്ങ്...
രാത്രി ക്ളാസുകള്‍, അവധിദിനപരിപാടികള്‍, അക്കാദമിക്ക് ക്ളിനിക്കുകള്‍, സഹവാസക്യാമ്പുകള്‍....
ത്രിതല പഞ്ചായത്തുകളുടെ 'വിയജ' പരിപാടികള്‍...
സര്‍ക്കാര്‍ QIP പരിപാടികള്‍ , ധനസഹായം...
എല്ലാ പ്രധാനപത്രങ്ങളിലും ആശ്ചയില്‍ ഒന്നും രണ്ടും തവണ എസ്.എസ്.എല്‍.സി ക്കാര്‍ക്കായുള്ള സവിശേഷ പംക്തികള്‍...
മികച്ച വിജയം ഉറപ്പുനല്കുന്നു വിവിധ വിദ്യാഭ്യാസ സംരംഭകര്‍... അവരുടെ പരീക്ഷകള്‍..സമ്മാനങ്ങള്‍....
ചാനലുകളില്‍ , വിക്ടേര്‍സില്‍ എല്ലാം പഠനസഹായം....
നിരവധി ബ്ളോഗുകള്‍ , സൈറ്റുകള്‍ എല്ലാം മികച്ചവിജയം ആശംസിക്കുന്നു....
സര്‍വോപരി ഭരണകൂടത്തിന്റെ നിരന്തര പ്രോത്സാഹനവും മോണിറ്ററിങ്ങും....
....
..

ഓരോവര്‍ഷവും ഏപ്രില്‍ മുതല്‍മാര്‍ച്ച് വരെ ഇത്രയും കാര്യക്ഷമമായ പ്രവര്‍ത്തനങ്ങള്‍ഓരോ കുട്ടിക്കുവേണ്ടിയും നമ്മുടെ സമൂഹത്തില്‍ സംഭവിക്കുന്നുണ്ട്.ഇതിന്റെയൊക്കെഗുണം പ്രത്യക്ഷമായും പരോക്ഷമായും ഓരോ കുട്ടിക്കും ലഭിക്കുന്നുമുണ്ട്.വിജയശതമാനത്തില്‍ക്രമാനുഗതമായ മുന്നേറ്റം സ്ഥിരമായി കാണുകയും ചെയ്യാം.

എന്നാല്‍,കുട്ടിക്കുവേണ്ടിചെയ്യുന്ന ഈ സംഭവങ്ങളൊന്നും പൊതുവേ കുട്ടികള്‍ അറിയുന്നില്ലഎന്നതാണ്`ഏറ്റവും ഖേദകരം.സംഗതികള്‍കുട്ടികള്‍ സമയാസമയം അറിഞ്ഞിരുന്നെങ്കില്‍....[ ഇനിയെങ്കിലും ഇക്കാര്യങ്ങള്‍ കുട്ടികളോട്വിശദീകരിക്കുമോ എന്നത്കണ്ടറിയാം.]

കുട്ടിക്ക്- തന്നെസഹായിക്കാനുള്ള ഏര്‍പ്പാടുകളുടെവൈപുല്യം-ആത്മവിശ്വാസം വര്‍ദ്ധിപ്പിക്കും.

കുട്ടിക്ക്, താനൊറ്റക്കല്ലഈ പോരാട്ടത്തില്‍ എന്ന ആത്മബലം ഉണ്ടാക്കും.

സ്കൂളിനകത്തും പുറത്തും നടക്കുന്ന ഈസംഗതികളൊക്കെ തനിക്കെന്നറിയുന്നകുട്ടിയുടെ ഉത്തരവാദിത്തബോധം ശതഗുണീഭവിക്കും.

ക്ളാസ്‌‌മുറിയിലും പുറത്തും കുട്ടിയുടെപഠനപ്രവര്‍ത്തനങ്ങള്‍ അത്യധികം കാര്യക്ഷമമാവും.

കാര്യങ്ങള്‍അറിഞ്ഞുകഴിഞ്ഞാല്‍ രക്ഷിതാക്കളുടെഇടപെടല്‍ ശേഷി വര്‍ദ്ധിക്കും.

ഓരോകുട്ടിക്കും ഇതെല്ലാം ലഭ്യമാക്കാനുള്ളപരിപാടികള്‍ [സ്കൂളിലും,വീട്ടിലും,നാട്ടിലും..] വര്‍ദ്ധിക്കുന്നതിനനുസരിച്ച്വിജയം വര്‍ദ്ധിക്കും.

കാവ്യഭാഷയിലെ ഭിന്ന ഭാവങ്ങള്‍

2012-01-22T20:44:00.001-08:00

പത്താംക്ളാസിലെ (മലയാളം )'ഗാന്ധാരീവിലാപം'എന്നകാവ്യപാഠത്തെ കുറിച്ചു ഒരുകുറിപ്പ്

കവിക്ക്സൃഷ്ടിക്കുള്ള ഉപകരണം ഭാഷയാണ്`.ഭാഷകൊണ്ട്സാഹിത്യം രചിക്കുന്നു.സഹിതമായതാണ്`സാഹിത്യം.വാക്കും അര്‍ഥവുമാണ്`സഹിതമാകുന്നത്.വികാരവും വിചാരവുമാണ്`സഹിതമാകുന്നത്.വാക്കിലൂടെയും അര്‍ഥത്തിലൂടെയും വികാരവും വിചാരവും വായനക്കാരിലാണ്`ഉല്പ്പാദിപ്പിക്കുന്നത്. അതുപൂര്‍ണ്ണമായും സാധിക്കുന്നത്ഭാഷ കൊണ്ടാണ്`.അങ്ങനെകവി രണ്ടിടങ്ങളില്‍ സൃഷ്ടിനടത്തുന്നു.ആദ്യം കൃതിയിലും തുടര്‍ന്ന്വായനക്കാരിലും.ആദ്യനിര്‍മ്മിതി ഒരിക്കലേ ഉള്ളൂ.കാവ്യം രചിച്ചു കഴിഞ്ഞാല്‍ ആ പണിതീര്‍ന്നു.എന്നാല്‍രണ്ടാമത്തേത് -വായനക്കാരില്‍വികാരവിചാരങ്ങള്‍ നിര്‍മ്മിക്കല്‍ പലതവണയാണ്` ; പലരിലാണ്`;പലകാലത്തും ചിലത് എക്കാലത്തുമാണ്`;ഓരോന്നും പുതുപുത്തനും.

ഒരേസംഗതികള്‍ വ്യത്യസ്തസന്ദര്‍ഭങ്ങളില്‍ പറയേണ്ടിവരുമ്പോള്‍ സന്ദര്‍ഭാനുസാരിയാക്കാനുള്ള മിടുക്കാണ്`കവിത്വത്തിന്റെഒരു ലക്ഷണം.മഹാഭാരതം കിളിപ്പാട്ടില്‍ എഴുത്തഛന്‍- 'ഗാന്ധാരീവിലാപ'ത്തില്‍ഭഗദത്തനെക്കുറിച്ച് പറയുന്നത്നോക്കുക.

......ധരണിയിലുണ്ടായ

മന്നരില്‍മുമ്പന്‍ ഭഗദത്തന്‍

തന്‍കരിവീരനരികെ ധനുസ്സുമായ്

സംക്രന്ദനാത്മജനെയ്തശരത്തിനാല്‍

വീണിതല്ലോകിടക്കുന്നു

ധരണിയില്‍ശോണിതവുമണഞ്ഞയ്യോ ശിവ!ശിവ! [ പദ്യം 1]

ഗാന്ധാരികാണുന്ന ഈ ഭഗദത്ത രൂപം ഈഅവസ്ഥയിലായ സന്ദര്‍ഭം എഴുത്തഛന്‍ ഇങ്ങനെ എഴുതുന്നു.[ ദ്രോണം]

......സംഭ്രമത്തോടൊരുബാണം പ്രയോഗിച്ചാ-

നുമ്പര്‍കോന്‍തന്നുടെ നന്ദനനര്‍ജുനന്‍

വാരണവീരന്‍തലയറ്റു വില്ലറ്റു

വീരന്‍ഭഗദത്തന്‍ തന്റെ തലയറ്റു

നാലാമതാനതന്‍വാലുമരിഞ്ഞിട്ടു

കോലാഹലത്തോടുപോയിതു ബാണവും ..... [പദ്യം 2]

ഹാസ്യരസപ്രയോഗത്തില്‍ഏറ്റവും പിശുക്കനായ കവിയാണ്`എഴുത്തഛന്‍.ഭഗദത്തപതനം വിവരിക്കുന്നിടത്ത്കവി ആലോചനാമൃതമായ ഹാസ്യം തന്നെ ഉപയോഗിച്ചിരിക്കുന്നു.സുവ്യക്തമായഒരു ചിത്രരചനയാണ്`- അമ്പിന്റെയാത്ര കവി വിവരിക്കുന്നു.ഭഗദത്തന്‍,അര്‍ജുനന്‍,സുപ്രതീകോപമനായആന എന്നീ ഘടകങ്ങളില്‍വര്‍ണ്ണനാപരമായി ഒരു മാറ്റവും രണ്ടു കാവ്യഭാഗത്തും ഇല്ലതാനും.

പദ്യം 1	പദ്യം 2
ഗാന്ധാരീ വിലാപം - സന്ദര്‍ഭം ഗാന്ധാരിയുടെ കാഴ്ച ശോകരസം അവസ്ഥാവിവരണം - വീണിതല്ലോ....ശിവ! ശിവ!	യുദ്ധ വര്‍ണ്ണന - സന്ദര്‍ഭം കവിയുടെ കാഴ്ച ഹാസ്യരസം അമ്പിന്റെ യാത്ര- ക്രിയകള്‍

കവിരണ്ടു സന്ദര്‍ഭങ്ങളും എഴുതിത്തീര്‍ത്തതോടെ കവിത- ഈകാവ്യഭാഗം-തുടര്‍ന്ന്പ്രവര്‍ത്തിക്കുന്നത്വായനക്കാരിലാണ്`.രസോത്പാദനം നടക്കുന്നത് വായനക്കാരിലാണ്`.ദൃശ്യത്തിന്റെഫ്രയിമില്‍ ഉള്ളടങ്ങിയിട്ടുള്ളഘടകങ്ങളാണ് ഭിന്ന രസാവിഷ്കാരത്തിന്ന്നിദാനമായിട്ടുള്ളത്.ശോക-ഹാസ്യരസങ്ങള്‍ ഉണ്ടാക്കാന്‍ കവിഉപയോഗിക്കുന്ന ഭാഷാപരമായഘടകം ' ശിവ!ശിവ!എന്നും,കോലാഹലംഎന്നും രണ്ടു പദങ്ങളാണ്`.'റ്റു'എന്നഅക്ഷരത്തിന്റെ ആവര്‍ത്തനവും ശ്രദ്ധേയമാകുന്നു.പദ്യം 1 ലെ'സംക്രന്ദനാത്മജന്‍' എന്നപദം വായിക്കുമ്പോള്‍ 'ക്രന്ദനം'[= കരച്ചില്‍] എന്നപദവും ശോകാത്മകത ഉണ്ടാക്കുന്നുണ്ടാവും . ശത്രുക്കളെകരയിപ്പിക്കുന്നവന്റെ പുത്രന്‍= സംക്രന്ദനാത്മജന്‍എന്ന അര്‍ജുന വിശേഷണം ഗാന്ധാരി [ കവി] ഉപയോഗിക്കുന്നത്വളരെ ബോധപൂര്‍വമാകാം.പദ്യം 2 ഇല്‍' ഉമ്പര്‍കോന്‍തന്നുടെ മകന്‍ 'എന്നര്‍ഥത്തിലുള്ളവിശേഷണത്തേക്കാള്‍ പദ്യം 1 ലെവിശേഷണം അര്‍ജുനനെകുറ്റവിമുക്തനാക്കുകയാണ്`.എല്ലാറ്റിനും കാരണക്കാരനായി മുകുന്ദനെമാത്രമാണ്`ഗാന്ധാരികാണുന്നത്.

ഇനിഅഭിമന്യുവിന്റെ അവസ്ഥ :പാഠഭാഗത്ത്വളരെ ശോകാത്മകമായിവിവരിച്ചിരിക്കുന്നത് നമുക്ക്വായിക്കാം.

നല്ലമരതകക്കല്ലിനോടൊത്തൊരു

കല്യാണരൂപന്‍കുമാരന്‍ മനോഹരന്‍......

എന്നാല്‍അഭിമന്യു വധവും തുടര്‍ന്നുള്ളജയദ്രഥ വധവും വീരം,ഭയാനകം തുടങ്ങിയ രസങ്ങള്‍ ഉല്പ്പാദിപ്പിച്ചുകൊണ്ടാണ്`കിളിപ്പാട്ടില്‍ ദ്രോണത്തില്‍ വര്‍ണ്ണിക്കുന്നത്.ഒന്ന്കൊന്നുവീഴ്ത്തിയ കഥയും മറ്റൊന്ന് അതിന്റെ ദു:ഖപൂര്‍ണ്ണമായഅവസ്ഥയും ആണല്ലോ.ഇരുഭാഗത്തും ഉപയോഗിക്കുന്നപദാവലി,വിശേഷണങ്ങള്‍,അക്ഷരക്രമീകരണം എന്നിവയിലൂടെയാണ് ഈ ഭിന്നഭാവരസങ്ങള്‍ നിഷ്പാദിപ്പിച്ചിരിക്കുന്നത്.

അര്‍ണ്ണവം പോലെ യലറീയഭിമന്യു

തിണ്ണം പൊരുതങ്ങടുക്കുന്നതു നേരം ...... [ ദ്രോണം]

ഇരുഭാഗവും വായനക്കാരന്‍ ആവോളം ആസ്വദിക്കുകയും ചെയ്യുന്നു.ആസ്വാദനത്തില്‍ മുന്‍ പറഞ്ഞ സംഗതികള്‍പരിഗണിക്കപ്പെടില്ല.' കല്യാണരൂപന്‍...അലറി....' എന്നിവബന്ധിപ്പിക്കാറില്ല.മറ്റൊന്ന്കാവ്യാസ്വാദനത്തില്‍ ആരുചെയ്തത്ശരി / ആരുചെയ്തത് തെറ്റ് എന്നിങ്ങനെയുള്ളധര്‍മ്മാധര്‍മ്മ ചിന്തയുംഇല്ല. രസാസ്വാദനം മാത്രമേ ഉള്ളൂ.അതുസാധ്യമാക്കുന്നത്ധര്‍മ്മാധര്‍മ്മവിചാരങ്ങളല്ല;കാവ്യഭാഷമാത്രം .

ആദ്യം വീരശൂരപരാക്രമത്തോടെ കൊല്ലുകയും/ കൊല്ലിക്കുകയും പിന്നെ ചത്തുകിടപ്പുകണ്ട്കരയുകയും ചെയ്യുന്നത് ഭിന്നകഥാപാത്രങ്ങളെങ്കിലും [യുദ്ധം കാണുന്ന ആള്‍, ഗാന്ധാരി] രണ്ടും ആസ്വദിക്കുകയാണ്`വായനക്കാരന്‍.കാവ്യഭാഷയും അതുല്‍പ്പാദിപ്പിക്കുന്നഭാവരസങ്ങളും മാത്രമാണ്`വായനക്കാരന്‍പരിഗണിക്കുന്നത്.അതില്‍മാത്രമാണ് കവിയുടെ പ്രഥമപരിഗണനയും.

പട്ടാളക്കാരന്റെ കഥ

2012-01-20T03:24:00.000-08:00

കഥയായാലും കവിതയായാലും ആസ്വാദനം ഏകമുഖമല്ല.എഴുത്തുകാരനും വായനക്കാരനും തമ്മിലുള്ളബന്ധം യോജിപ്പിലും വിയോജിപ്പിലും ഉണ്ട്.രണ്ടും ആസ്വാദനം തന്നെ.എഴുതിക്കഴിയുന്നതോടെരചന എഴുത്തുകാരനെ കൈവെടിയുന്നു.അത്സ്വന്തം തനിമയില്‍ വികാസം പ്രാപിക്കുന്നു.ഈവികാസം വായനക്കാരനിലൂടെയാണ`.കാലങ്ങള്‍കടന്നും ഇതു സംഭവിച്ചുകൊണ്ടിരിക്കും.അങ്ങനെയാണ്രചനകള്‍ കാലാതിവര്‍ത്തിയാകുന്നത്.

പഠിക്കാനുള്ളഒരു കഥ നമുക്കിവിടെ ഒരുദാഹരണത്തിന്നായി പരിശോധിക്കാം.

പട്ടാളക്കാരന്റെകഥ

[പത്താം ക്ളാസ് മലയാളം കേരളപാഠാവലിയില്‍ 'പട്ടാളക്കാരന്‍'എന്നകഥഅവലംബിച്ച് ]

പാഠപുസ്തകത്തിലെഒരു പാഠം എന്ന നിലയില്‍ ഈ കഥചര്‍ച്ചചെയ്യുമ്പോള്‍ അധ്യാപകന്ന്

യുദ്ധ ഭീകരത അനുഭവിപ്പിക്കുന്ന ഒരു കഥ
പട്ടാളക്കാരന്റെ നിസ്സഹായാവസ്ഥ - അരക്ഷിതാവസ്ഥ
യുദ്ധ വിരുദ്ധ സന്ദേശം ഉല്പ്പാദിപ്പിക്കുന്ന ഒരു കഥ
യുദ്ധം മനുഷ്യരെ അനാഥരാക്കുന്ന സന്ദര്‍ഭങ്ങള്‍ - യുദ്ധ പരിണതികള്‍
കഥാ ശില്പ്പത്തിന്റെ മനോഹാരിത
സാഹിത്യകാരനെ കുറിച്ചും സാഹിത്യരൂപത്തെ കുറിച്ചുമുള്ള അറിവുകള്‍
ഭാഷാപരമായ സവിശേഷതകള്‍

തുടങ്ങിയസംഗതികളില്‍ ഊന്നല്‍നല്കേണ്ടതുണ്ട്.ഈ ഒരുഫ്രയിമില്‍ നിന്നേ ക്ളാസില്‍സ്വാഭാവികമായും ചര്‍ച്ചകള്‍ഉണ്ടാവൂ.

എന്നാല്‍കഥ സ്വതന്ത്രമായി ആസ്വദിക്കുന്നആള്‍ക്ക് [കുട്ടിക്ക്]ഇതിനപ്പുറമുള്ളഒരു ചില വൃത്തങ്ങളിലേക്ക്അറിയാതെ വായിച്ചു കയറേണ്ടതായിവരാം. അവിടെഅത് മൗലികമായ ആസ്വാദനത്തിന്റെമേഖലകളിലേക്ക് വായനക്കാരനെചെന്നെത്തിക്കും.

മറ്റൊരുവായന

സൗജന്യങ്ങള്‍ കുറവെങ്കിലും പ്രാഥമികവിദ്യാഭ്യാസം സാര്‍വത്രികമായഒരു കാലഘട്ടത്തില്‍ -1950 കളില്‍-കേരളീയരായയുവജനങ്ങള്‍ സര്‍ക്കാര്‍ജോലിമോഹിക്കാന്‍ തുടങ്ങിയിരുന്നു.റയില്‍വേയിലും മിലിട്ടറിയിലും ഇവര്‍ക്ക്ധാരാളം സാധ്യതകള്‍ ഉണ്ടായിരുന്നുതാനും. ഒരുശരാശരി മലയാളി യുവാവിന്ന്പട്ടാളക്കാരനാവുക എന്നത്വലിയൊരാഗ്രഹമായിരുന്നു.[ വീട്ടില്‍നിന്ന് 'ചാടിപ്പോയി' പട്ടാളത്തില്‍ചേര്‍ന്നവര്‍ എത്രയെന്നോ!]റയില്‍വേ,സര്‍ക്കാര്‍ഓഫീസുകളിലെ താഴ്ന്ന ജോലികള്‍ എന്നിവയെക്കാളൊക്കെ അധികമായിപട്ടാളക്കാരനാകാന്‍ യുവാക്കള്‍ആഗ്രഹിച്ചിരുന്നു എന്നുതോന്നും. ജീവിത- കുടുംബസുരക്ഷ പട്ടാളക്കാരനാവുന്നതോടെകൈവരുമായിരുന്നു.ചെലവ്കഴിച്ച് ശമ്പളം,പെന്‍ഷന്‍,ചികില്‍സാസൗജന്യങ്ങള്‍ ,യാത്രാസൗജന്യങ്ങള്‍...തുടങ്ങിയുള്ളസംഗതികള്‍ ഇതു ശരിയെന്നും കാണിച്ചിരുന്നു.പട്ടാളക്കാരന്റെരണ്ടു മാസത്തെ ലീവ് ജീവിതം ഏതൊരു യുവാവും ഇക്കാലത്ത്സ്വപ്നം കണ്ടിരുന്നു എന്നുപറയാം.പട്ടാളക്കാരന്റെ വീരശൂര കഥകള്‍ അവന്ന് സമൂഹത്തില്‍വലിയൊരംഗീകാരം നേടിക്കൊടുത്തിരുന്നു.അവന്റെദൈനംദിന അനുഭവങ്ങള്‍ ഈ 'ഠ'വട്ടംപ്രദേശത്തെ ഇന്ത്യന്‍ഉപഭൂഖണ്ഡത്തിന്റെ വിസ്തൃതിയിലേക്ക്വളര്‍ത്തിയിരുന്നു.ആസാമും,ലഡാക്കും,ജബല്‍പ്പൂരും,...... എല്ലാംഏതു കുഗ്രാമങ്ങള്‍ക്കും പരിചിതവും അയലുമായിരുന്നു.യുദ്ധഭൂമികള്‍മുഴുവന്‍ പരിചിതങ്ങളായിരുന്നു.യുദ്ധസാഹസികതകള്‍,വൈകാരികസന്ദര്‍ഭങ്ങള്‍ ,സുഖദു:ഖങ്ങള്‍എല്ലാം ആബാലവൃദ്ധം ജനങ്ങള്‍ക്കും സ്വാനുഭവങ്ങളായിരുന്നു.[ കോവിലന്റെയും നന്തനാരുടെയും പാറപ്പുറത്തിന്റേയും പട്ടാളക്കഥകള്‍ വേറൊരു തലം വരച്ചുകാണിക്കുന്നുണ്ട്- വായിച്ചുനോക്കുമല്ലോ]

ഈയൊരുപശ്ചാത്തലത്തിലാണ്`നാം 'പട്ടാളക്കാരന്'വായിക്കേണ്ടത്.അനാഥനായ, തെണ്ടിയായ ഒരു യുവാവ് പട്ടാളക്കാരനാവുന്നതോടെഅയാള്‍ സനാഥനും ഉത്തരവാദിത്വമുള്ളയാളുമായിരൂപാന്തരം കൊള്ളുകയായിരുന്നു.ആത്മാഭിമാനമുള്ള,സ്വന്തം ജീവിതം കെട്ടിപ്പടുക്കാന്‍തയാറാവുന്ന മനുഷ്യനാവുകയായിരുന്നു.കഥാകാരന്‍പറയുന്നപോലെ 'ജീവിതത്തിന്ന്പിടിപ്പും കനവും വന്നു'. സ്വന്തമായൊരുമുഴുപ്പേരുപോലും 'രാമന്‍നായര്‍'പട്ടാളക്കാരനായശേഷം കൈവന്നതാണയാള്‍ക്ക്![അല്‍പ്പം കഴിഞ്ഞ് ജൂനിയര്‍മാര്‍'നായര്‍സാബ്' എന്നുവിളിക്കുന്നതോടെ ഈ സ്ഥിതിവീണ്ടും ഉയരുകയായി!]

ഒരുകഥ എന്ന നിലയില്‍ സ്വാഭാവികമായും രാമന്‍ നായരുടെ ജീവിതം ഉയര്‍ച്ച താഴ്ച്ച കളിലൂടെ മുന്നോട്ട് പോകയാണ്`.ലീവില്‍നാട്ടിലെത്തല്‍ ,വിവാഹം,പട്ടാളത്തിലേക്ക്- യുദ്ധം-മടക്കം,മരണം......തുടങ്ങിയസന്ദര്‍ഭങ്ങളിലൂടെ.കഥാകാരന്‍അതത്രയും ഭാവോജ്വലമാക്കിയിട്ടുണ്ടെന്ന് പറയേണ്ടതില്ലല്ലോ.

പട്ടാളക്കാരന്റെജീവിതത്തിന്റെ രണ്ടുമുഖങ്ങള്‍ഇവിടെ അവതരിപ്പിക്കുന്നുകഥാകാരന്‍.

ഒന്ന്] യുദ്ധത്തിന്റേയും വേര്‍പാടിന്റേയും അനിശ്ചിതത്വത്തിന്റേയും.

രണ്ട്] സനാതത്വത്തിന്റേയും സ്വത്വത്തിന്റേയും സുരക്ഷയുടേയും.

ഈരണ്ടു വഴികളിലൂടെയും ഈ കഥവായിക്കാനാകും.ഇത്പട്ടാളമെന്ന -യുദ്ധമെന്നപശ്ചാത്തലത്തിന്റെ സവിശേഷതയാണ്`.റയില്‍വേ,പോസ്റ്റല്‍[ സെണ്ട്രല്‍ ഗവണ്‍മെന്റ്] തുടങ്ങിയവായിരുന്നുപശ്ചാത്തലമെങ്കില്‍ ഇത്രയും സാധ്യത കൈവരുമായിരുന്നില്ല.സംസ്ഥാനസര്‍ക്കാര്‍ ജോലികളായിരുന്നെങ്കില്‍ സാധ്യതകള്‍ ഇനിയും പരിമിതപ്പെട്ടേനേ.

പട്ടള[ യുദ്ധ]സഹചര്യത്തിന്ന്ഇനിയും തലങ്ങളുണ്ട്.യുദ്ധത്തിന്റെനിഷേധ വശങ്ങള്‍ ഒക്കെത്തന്നെ[ നശീകരണം,ക്രൂരത,മരണം,ജയില്‍,ശിക്ഷ,അനാഥത്വം,..... ] യാഥാര്‍ഥ്യമെന്നിരിക്കിലും പിന്നൊരു മറുവശവുമുണ്ട്.അതില്‍പ്രധാനമായവ

പട്ടാളക്കാരന്റെകുടുംബത്തിലും ചുറ്റുപാടും ഉണ്ടാവുന്ന ആത്മാഭിമാനം

രാജ്യസ്നേഹത്തിന്റെഭാഗമായി ഉളവാകുന്ന ജനതയിലെഐക്യബോധം

ആരോഗ്യ-വാര്‍ത്താവിനിമയരംഗത്ത് ഉളവാകുന്ന പുതിയകണ്ടെത്തലുകള്‍

രാജ്യസുരക്ഷയുടെ ഭാഗമായിനിര്‍മ്മിക്കപ്പെടുന്ന ജനജാഗ്രതകള്‍

ചെലവ്ചുരുക്കല്‍ ശീലങ്ങള്‍ -ആര്‍ഭാടങ്ങള്‍മുഴുവന്‍ ഒഴിവാക്കല്‍

എന്നിങ്ങനെയാണല്ലോ.ഇതില്‍ഏതു മുഖം കഥയില്‍ അവതരിപ്പിക്കണം എന്ന തീരുമാനം തികച്ചും കഥാകാരന്റെ തന്നെയാണ്`.അതിനെക്കുറിച്ച് വിമര്‍ശിക്കാനോഅഭിപ്രായം പറയാന്‍ പോലുമോവായനക്കാരന്ന് അവകാശമില്ല.

എന്നാല്‍കഥ ഒരു സൃഷ്ടിയായി ത്തീരുന്നതോടെആയത് സ്രഷ്ടാവിനെ കൈവെടിയുകയും വായനക്കാരെ പ്രാപിക്കുകയും ചെയ്യുകയാണ്`.വായനക്കാരന്‍ ഉള്ളടക്കത്തെ ഭിന്ന മാനങ്ങളില്‍, ഭിന്നകാലങ്ങളില്‍,ഭിന്നസാഹചര്യങ്ങളില്‍ വായിച്ചുകൊണ്ടേയിരിക്കും.അവിടെവെച്ചെല്ലാം കഥ പുനര്‍രചനക്ക് വിധേയമാവുകയാണ്`.വായനക്കാരന്‍കഥ മാറ്റിയെഴുതിക്കൊണ്ടേഇരിക്കുകയാണ്`.എല്ല്ലാനല്ല കഥകളുടേയും [കാലാതിവര്‍ത്തികളായ] ജീവിതം ഇതാണ്`.

അങ്ങനെയെങ്കില്‍ ' പട്ടാളക്കാരന്‍'ഇനിഒന്നു കൂടി വായിച്ചു നോക്കൂ.ക്ളാസില്‍ടീച്ചര്‍ പറഞ്ഞതു മാത്രമാണോഈ കഥ?

ഗൃഹപാഠങ്ങള്‍

2012-01-04T20:35:00.000-08:00

കുട്ടി ക്ളാസ്‌‌മുറിയില്‍ ഇരുന്ന് പഠിക്കുന്നതേക്കാള്‍ അധികസമയം വീട്ടിലിരുന്നാണ്` പഠിക്കുന്നതെന്ന് ആര്‍ക്കാണറിയാത്തത്?

മാറിവന്ന പഠനരീതിയും ക്ളാസ്‌‌റൂം പ്രവര്‍ത്തനങ്ങളും എന്തൊക്കെയായാലും പൊതുവെ നമ്മുടെ കുട്ടികളുടെ പഠനരീതിയില്‍ ഇതിന്നനിസൃതമായ മാറ്റങ്ങള്‍ രൂപം കൊണ്ടില്ല എന്നാണ്` അനുഭവം. [കുട്ടിയുടെ ആവശ്യത്തിനോ ആഗ്രഹത്തിനോ ഒന്നും പരിഗണന നല്കാതെ തന്നെ ] അധ്യാപികയുടെ നിര്‍ദ്ദേശപ്രകാരം ക്ളാസ്‌‌ മുറിയില്‍ ഗ്രൂപ്പ് പ്രവര്‍ത്തനങ്ങള്‍, ചര്‍ച്ച , ഇടപെടലുകള്‍, കൂട്ടിച്ചേര്‍ക്കലുകള്‍ , തിരുത്തലുകള്‍, അനുഭവങ്ങള്‍ പങ്കുവെക്കല്‍ ഒക്കെ ഉണ്ടെങ്കിലും ഇതിന്റെ തുടര്‍ച്ച വീട്ടു പഠനത്തില്‍ ഉണ്ടാകാറില്ല.

ക്ളാസ് മുറിയിലെ തുടര്‍ച്ച അതേ പടി വീടുകളില്‍ അസാധ്യമാണ്` എന്നത് വസ്തുതതന്നെ. എന്നാല്‍ പിന്നെ അതെങ്ങനെയായിരിക്കണം എന്നതിനെ കുറിച്ച് വേണ്ടത്ര ധാരണകള്‍ കുട്ടിക്ക് ലഭിക്കുന്നില്ല / നല്കുന്നില്ല . അതുകൊണ്ടുതന്നെ ഗൃഹപഠനം ഇപ്പോഴും പരമ്പരാഗത ക്രമത്തില്‍ ഒതുങ്ങിപ്പോകുന്നു. കുട്ടി സ്കൂള്‍ സമയത്തേക്കാള്‍ അധികസമയം വീട്ടുപഠനത്തിലാണെന്നത് അറിയുമ്പോള്‍ ഇതു നിസ്സാരമായി കാണാനും ആവില്ല.

ഗൃഹപഠനത്തില്‍ ഉള്‍പ്പെടുന്നത്

    അധ്യാപിക ക്ളാസ് മുറിയില്‍ വെച്ച് നല്കുന്ന ഃഒമെവൊര്ക് കള്‍

    കുട്ടി സ്വയമേവ തയ്യാറാവുന്നത് - പരീക്ഷക്ക് , അധികഅറിവ് ആഗ്രഹിച്ച് [ ഇതില്‍ ഏറിയ പങ്കും പരീക്ഷാപ്പഠിപ്പ് തന്നെ ]

    കുട്ടിയുടെ സര്‍ഗാത്മക [ കല- ശാസ്ത്രം ] പ്രവര്‍ത്തനങ്ങള്‍

ഇതില്‍ ഏറ്റവും കൂടുതല്‍ കുട്ടികള്‍ പ്രവര്‍ത്തിക്കുന്നത് ആദ്യ ഇനത്തില്‍ത്തന്നെ. അതാകട്ടെ ക്ളാസ്‌‌റൂം പ്രവര്‍ത്തനത്തിന്റെ ക്രിയാരഹിതമായ പൂരണങ്ങള്‍ മാത്രം. ഒരു കണക്ക് ചെയ്യല്‍, ഒരു കുറിപ്പ് തയാറാക്കല്‍ /പകര്‍ത്തിയെഴുതല്‍, ഒരു ചെറിയ ഭാഗം വായന, ഒരു ചിത്രം വരയ്ക്കല്‍, ചില ഡാറ്റ ശേഖരിക്കല്‍ , ക്രമപ്പെടുത്തല്‍, മന:പ്പാഠമാക്കല്‍, ഉത്തരം പഠിക്കല്‍ [ ഉത്തരം പഠിക്കാന്‍ മാത്രം ആവശ്യപ്പെടുന്നതുകൊണ്ട് ചോദ്യം പഠിക്കാതിരിക്കുകയും അതെന്തെന്നുപോലും അറിയാതെ ഉത്തരം മാത്രം മന:പ്പാഠമാക്കുകയും ചെയ്യുന്ന രീതിയൊന്നും ഇപ്പോഴും മാറിയിട്ടില്ലല്ലോ . അതൊകൊണ്ടാണല്ലോ പലരും ചോദ്യപ്പേപ്പറിലെ ചോദ്യപാഠങ്ങള്‍ വായിച്ച് മനസ്സിലാക്കാനുള്ള ക്ഷമപോലും കാണിക്കതിരിക്കുന്നത്. ] എന്നിങ്ങനെ ഉള്ളവയില്‍ ഒതുങ്ങുന്നു.ഇതാകട്ടെ ക്ളാസ് മുറിയില്‍ നടന്ന പഠന തന്ത്രങ്ങളോ , പ്രക്രിയകളോ ഒന്നും വീട്ടില്‍ സാധ്യമല്ലെന്നിരിക്കേ കുട്ടി ചെയ്യേണ്ടിവരുമ്പോള്‍ അത് ക്രിയാരഹിതമായി / നിര്‍ജ്ജീവമായിപ്പോകയും ചെയ്യുന്നു. അതായത് കുട്ടിയുടെ അധികസമയപഠനവും [ഗാര്‍ഹികം] ഇപ്പോഴും പാഠ്യ പദ്ധതി ആഗ്രഹിക്കും പോലെ ശാസ്ത്രീയമാക്കപെട്ടിട്ടില്ല എന്നല്ലേ!

ഇതിന്ന് രണ്ടു തരത്തില്‍ സമീപനം പ്രതീക്ഷിക്കുന്നു.

    നല്കുന്ന ഗൃഹപാഠങ്ങളില്‍ അധ്യാപിക മാറ്റം വരുത്തണം. [ അതിനാവശ്യമായ പരിശീലനം അവര്‍ക്ക് നല്‍കണം]

    ഗൃഹപഠനത്തില്‍ കുട്ടിക്ക് ശാസ്ത്രീയമായ വൈദഗ്ധ്യം നല്കണം. [ ക്ളാസിലെ പഠനവും ഗൃഹപഠനവും വെവ്വേറേ ഡിസൈന്‍ ചെയ്യപ്പെടണം. ]

സമീപനങ്ങള്‍ക്ക് അടിസ്ഥാനം

    ഗൃഹപാഠം എന്നാലെന്ത്?

    ഗൃഹപാഠം ഉദ്ദേശ്യലക്ഷ്യങ്ങള്‍

    കുട്ടിക്ക് സ്വയം നിവര്‍ത്തിപ്പിക്കാവുന്ന തന്ത്രങ്ങള്‍

    വീടും - ക്ളാസും ബന്ധിപ്പിക്കാവുന്ന കണ്ണികള്‍

എന്നിങ്ങനെയായിരിക്കണം. ഈ സംഗതികളിലുള്ള പ്രയോഗങ്ങള്‍ പ്രാവര്‍ത്തികമാകുമ്പോള്‍

    വീട്ടിലെ പഠനം വളരെ വളരെ പ്രയോജനപ്രദമാകും.

    \' കുട്ടി വീട്ടില്‍ വന്നാല്‍ പിന്നെ എഴുത്തോടെഴുത്താ...... പഠിക്കാന്‍ നേരല്യാ...\' എന്ന ആവലാതി ഒഴിവാക്കാം

    രക്ഷിതാക്കളെ കുറേകൂടി പ്രത്യക്ഷ പഠനവുമായി അടുപ്പിക്കാം

    സ്കൂള്‍കാലം വിട്ടാലും കുട്ടിയില്‍ അറിവ് തേടാനുള്ള ഒരു സാംസ്കാരിക ഭൂമിക നിര്‍മ്മിക്കാം

കുലപാരമ്പര്യങ്ങള്‍

2011-12-18T16:43:00.000-08:00

നാടന്‍ കലകളെകുറിച്ചുള്ള ചെറിയ അന്വേഷണങ്ങള്‍സ്കൂള്‍ [മലയാളം] പാഠപുസ്തകങ്ങളിലൊക്കെകാണാം. ഇതുമായിബന്ധപ്പെട്ട നിരവധിപഠനപ്രവര്‍ത്തനങ്ങള്‍കുട്ടികള്‍ക്ക് ചെയ്യാനുമുണ്ട്.ഈ കുറിപ്പ്ഇതിനൊരു സഹായമാകും:നോക്കൂ

പട്ടിക 1

നമ്പ്ര്	കലാരൂപം	സമുദായഘടകം	കലാഘടകം	സവിശേഷത
1	കാക്കരിശ്ശി	കാക്കാലന്മാര്‍ പാണന്‍ കമ്മാളന്‍ കുറവര്‍	പാട്ട് വേഷം വാദ്യം നൃത്തം അഭിനയം സംഭാഷണം	ഭക്തി ആക്ഷേപഹാസ്യം സമൂഹ്യ വിമര്‍ശനം
2	മുടിയേറ്റ്	കുറുപ്പ് മാരാര്‍	പാട്ട് വേഷം വാദ്യം നൃത്തം അഭിനയം	ദാരികവധം കഥ ഹാസ്യം , ഭക്തി UNESCO പൈതൃകകലകളുടെ പട്ടികയില്‍ ഉള്‍പ്പെടുത്തിയിട്ടുണ്ട്.
3	തീയട്ട്	തീയാടി നമ്പ്യാര്‍	പാട്ട് നൃത്തം വാദ്യം ധൂളീ ചിത്രം [കളം]	അയ്യപ്പന്‍ തീയട്ട് ഭഗവതി തീയാട്ട്
4	കണ്യാര്‍കളി	നായര്‍	പാട്ട് വേഷം വാദ്യം നൃത്തം	പാലക്കാട് ജില്ലയില്‍ മാത്രം രണോത്സവം ഭക്തി- ഉര്‍വരത- ഭഗവതി സങ്കല്പ്പം
5	കളമെഴുത്ത് [പാട്ട് ]	കുറുപ്പന്മാര്‍	പാട്ട് വാദ്യം നൃത്തം ധൂളീചിത്രം [ കളം]	അയ്യപ്പന്‍ പാട്ട് ഭഗവതിപ്പാട്ട് സര്‍പ്പം പാട്ട് വേട്ടേക്കരന്‍ പാട്ട്
6	കുത്തിയോട്ടം	ആര്‍ക്കും പരിശീലിക്കാം അവതരിപ്പിക്കാം	പാട്ട് വേഷം നൃത്തം വാദ്യം	ഭക്തി [ഭഗവതി]
7	കുമ്മാട്ടി	ആര്‍ക്കും പരിശീലിക്കാം അവതരിപ്പിക്കാം	പാട്ട് വേഷം [കുമ്മാട്ടിപ്പുല്ലും, മുഖത്ത് മാസ്കും ] നൃത്തം വാദ്യം	കാലദോഷം പരിഹരിക്കാന്‍ ഭഗവതി സ്തുതി, കുട്ടികളെ രസിപ്പിക്കാന്‍
8	കോതാമൂരിയാട്ടം	മലയന്‍	വേഷം പാട്ട് വാദ്യം നൃത്തം	ഉര്‍വരാരാധന കാമധേനു
9	ശാലിയപ്പൊറാട്ട്	ആര്‍ക്കും പഠിക്കാം, അവതരിപ്പിക്കാം	വേഷം പാട്ട് നൃത്തം വാദ്യം	വിവിധ സമുദായക്കാര്‍ കഥാപാത്രങ്ങള്‍ [ മണിയാന്‍, തീയന്‍, പാണന്‍, ആശാരി, ചോയിച്ചി, കുശവത്തി...]
10	തിടമ്പുനൃത്തം	നമ്പൂതിരി, അമ്പലവാസി	നൃത്തം, വാദ്യം	ക്ഷേത്രകല, അനുഷ്ഠാനം
11	തോല്‍പ്പാവക്കൂത്ത്	പുലവര്‍	പാട്ട്, വാദ്യം , ദീപസംവിധാനം	കമ്പരാമായണം കഥ അവതരണം - 41 ദിവസം , അനുഷ്ഠാനം
12	പടയണി	ആര്‍ക്കും പഠിക്കാം, അവതരിപ്പിക്കാം	പാട്ട് വേഷം നൃത്തം വാദ്യം	വന്‍ വേഷങ്ങള്‍ , അനുഷ്ഠാനം
13	പരിചമുട്ടുകളി	നസ്രാണികള്‍	പാട്ട് നൃത്തം - ചുവട് വാദ്യം	വേദപുസ്തക കഥകള്‍, അനുഷ്ഠാനം [മാര്‍ഗം കളിയുമായി ബന്ധം ]
14	പറയന്‍ കൂത്ത്	പറയര്‍	പാട്ട് വേഷം വാദ്യം നൃത്തം	അനുഷ്ഠാനം
15	പൂരക്കളി	മണിയാണി തീയര്‍ കമ്മാളര്‍ ചാലിയര്‍	പാട്ട് വേഷം നൃത്തം വാദ്യം	അനുഷ്ഠാനം , പുരുഷന്മാര്‍ മാത്രം

കുറിപ്പ്‌‌2

നാടന്‍കലാരൂപങ്ങള്‍[ലിസ്റ്റ്-അപൂര്‍ണ്ണം]

[അവലംബം:വിക്കി ]

കുറിപ്പ്3

മിക്കകലകളുടേയും തുടര്‍ച്ചപാരമ്പര്യവും ജാതിയും അടിസ്ഥാനമാക്കിയായിരുന്നെങ്കിലും അതൊന്നും അല്ലാത്തവയും ഉണ്ട്.

നമ്പ്ര്	ഇനം	വിശദാംശങ്ങള്‍
1	ഒരു പ്രത്യേക ജാതിക്കാര്‍ മാത്രം പഠിക്കുകയും അവതരിപ്പിക്കുകയും ചെയ്യാവുന്നവ	തിടമ്പു നൃത്തം , പൂതന്‍, തിറ...തുടങ്ങിയവ ഈ വിഭാഗത്തില്‍ പെടുന്നുണ്ട്.
2	ആര്‍ക്കും പഠിക്കുകയും അവതരിപ്പിക്കുകയും ചെയ്യാമെങ്കിലും അനുഷ്ഠാനമെന്ന നിലയില്‍ ചില ജാതിക്കാര്‍ക്ക് മാത്രം അനുവദനീയമായവ.	കൂത്ത്, അഷ്ടപദി, കളംപാട്ട് .........
3	ജാതിപരമായ വിലക്കുകളിലാതെ പഠിക്കുകയും അവതരിപ്പിക്കുകയും ചെയ്യുന്നവ [അനുഷ്ഠാനമായും അല്ലാതേയും ]	കഥകളി, പടയണി, കുത്തിയോട്ടം......
4	പൈതൃകമായി പഠിപ്പിപ്പിക്കപ്പെടുന്നവ.[മക്കള്‍ക്കോ മരുമക്കള്‍ക്കോ..] [അനുഷ്ഠാനമായി ]	തായമ്പക, മേളം, കഥകളി, തെയ്യം, തിറ, പൊറാട്ട്......
5	ചില കുടുംബങ്ങള്‍ക്ക് അവകാശമായി കിട്ടിയവ {അനുഷ്ഠനപരം]	വെളിച്ചപ്പാട്, നന്തുര്‍ണിപ്പാട്ട്, പാന., കൂത്ത്, കൂടിയാട്ടം......

യൂണിറ്റ് 3 - അടിസ്ഥാനപാഠാവലി

2011-11-30T04:29:00.001-08:00

[എസ്.എസ്.എല്‍.സി.] അടിസ്ഥാനപാഠാവലി

മലയാളം

യൂണിറ്റ്3 പരീക്ഷാസഹായി പാഠങ്ങള്‍

ആടുജീവിതം (നോവല്‍ ഭാഗം ) - ബന്യാമിന്‍
ആസാം പണിക്കാര്‍ -വൈലോപ്പിള്ളി ശ്രീധരമേനോന്‍

പ്രവര്‍ത്തനങ്ങള്‍

(പരീക്ഷയുമായിബന്ധപ്പെട്ട് ശ്രദ്ധിക്കേണ്ടവ)

വിശകലനം ചെയ്യുക

വ്യവഹാരം

മൂല്യനിര്‍ണ്ണയ സൂചകങ്ങള്‍

രൂപം: കുറിപ്പ്
ആമുഖം 1-2 വരി
1-2 ഖണ്ഡിക വലിപ്പം
അനുയോജ്യമായ ഭാഷ
സ്വന്തം നിരീക്ഷണം

(കുട്ടി)ഉള്ളടക്കം മനസ്സിലാക്കിയിട്ടുണ്ട്

ഉള്ളടക്കത്തെ വിമര്‍ശനാത്മകമായി പരിശോധിച്ചിട്ടുണ്ട്

ആശയങ്ങള്‍ ക്രമീകരിച്ച് (എഴുതീട്ടുണ്ട് )

അനുയോജ്യമായ ഭാഷയില്‍ എഴുതി പ്രകടിപ്പിച്ചിട്ടുണ്ട്

പാഠബാഹ്യമായ ഒരു വായനാസാമഗ്രി [ കഥ, കവിത, വാര്‍ത്ത, നിരീക്ഷണം, പ്രസ്താവന..] തന്നിരിക്കുന്ന സൂചകങ്ങളുടെ അടിസ്ഥാനത്തില്‍ വിശകലനം ചെയ്യാനുള്ള പ്രവര്‍ത്തനം പ്രതീക്ഷിക്കാം .
പാഠഭാഗത്തുനിന്നുള്ളവ [ സൂചനകള്‍ വെച്ച് ] വിശകലനം ചെയ്യുക എന്ന മട്ടിലും ചോദിക്കാം. ഇങ്ങനെ:

നജീബിന്റെ മരുജീവിതത്തിലെ ദുരിതങ്ങള്‍ (ആടുജീവിതം)
ഒറ്റപ്പെട്ടുപോകുന്ന മനുഷ്യന്റെ വ്യഥ- അവതരിപ്പിക്കുന്നത് എങ്ങനെയെല്ലാം
നജീബ് കത്തെഴുതാനുണ്ടായ സാഹചര്യം
കത്തിലെ വിരുദ്ധോക്തികള്‍
കത്തിലെ ഉള്ളടക്കം ഒരു കരച്ചില്‍ ആകുന്നു
കഥയുടെ ഏറ്റവും വലിയ മികവ് എന്ത്
അനുഭവങ്ങളുടെ തീചൂളയാണ്` ഈ കഥ
ആടുജീവിതം 'ജീവിതം' മാത്രമല്ല അതിജീവനം കൂടി പറയുന്ന കഥ
ആടുജീവിതം = നജീബിന്റെ പ്രവാസജീവിതം
കെട്ടുകഥയേക്കാള്‍ മികച്ച യാഥാര്‍ഥ്യം - കഥയില്‍ കാണാം.
ജീവിതം എപ്പോഴും നമ്മുടെ ആഗ്രഹങ്ങള്‍ക്കും സങ്കല്‍പ്പങ്ങള്‍ക്കും അനുസരിച്ചാവണമെന്നില്ല
അപൂര്‍ണ്ണ സംഭാഷണങ്ങളുടെ ശക്തി
'നിറഞ്ഞിരിക്കിലും ....കഴിവതേ സുഖം' (ആസാം പണിക്കാര്‍)
നല്ല നാളയെക്കുറിച്ചുള്ള സ്വപ്നങ്ങള്‍
കേരളത്തിന്റെ ഗ്രാമീണ ചിത്രങ്ങള്‍

പ്രയോഗസൗന്ദര്യം കണ്ടെത്തുക

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ഉള്ളടക്കവും അതിലെ ഔചിത്യപൂര്‍ണ്ണമായ പ്രയോഗങ്ങള്‍ തിരിച്ചറിഞ്ഞിട്ടുണ്ട്
പ്രയോഗങ്ങളിലെ അധികാര്‍ഥങ്ങള്‍ മനസ്സിലാക്കീട്ടുണ്ട്
മനസ്സിലാക്കിയ സംഗതികള്‍ ക്രമപ്പെടുത്തി വ്യക്തമായി എഴുതിപ്രകടിപ്പിച്ചിട്ടുണ്ട്

പാഠബാഹ്യമായ ഒരു വായനാസാമഗ്രി [ കഥ, കവിത, വാര്‍ത്ത, നിരീക്ഷണം, പ്രസ്താവന..] തന്നിരിക്കുന്ന സൂചകങ്ങളുടെ അടിസ്ഥാനത്തില്‍ പ്രയോഗസൗന്ദര്യം കണ്ടെത്താനുള്ള പ്രവര്‍ത്തനം പ്രതീക്ഷിക്കാം .
പാഠഭാഗത്തുനിന്നുള്ളവ [ സൂചനകള്‍ വെച്ച് ] പ്രയോഗസൗന്ദര്യം കണ്ടെത്തുക എന്ന മട്ടിലും ചോദിക്കാം. ഇങ്ങനെ:

ആടുജീവിതം
നരകമാക്കീടും നരകകീടങ്ങള്‍
പഹയന്മാരോട് പകരം വീട്ടല്‍
പകയില്‍ നീറുന്ന വരുന്ന കാലങ്ങള്‍
കുടവയറിനു കുളിര്‍ത്ത ചോറ്
മനസ്സിനെ പറഞ്ഞുപഠിപ്പിച്ചു
കുതിച്ചു തീവണ്ടി....മുമ്പേ

ഉപന്യാസം തയാറാക്കുക

വ്യവഹാരം

മൂല്യനിര്‍ണ്ണയ സൂചകങ്ങള്‍

രൂപം : ഉപന്യാസം
100-120 വാക്കുകള്‍ വലിപ്പം
ഖണ്ഡികകള്‍ -ചിന്ഹനം
ആമുഖം
ഉള്ളടക്കം
ഉചിതമായ ഭാഷ
സ്വന്തം നിരീക്ഷണം
ഉപസംഹാരം
ശീര്‍ഷകം

(കുട്ടി) ആശയം മനസ്സിലാക്കീട്ടുണ്ട്

മനസ്സിലാക്കിയ ആശയങ്ങള്‍ യുക്തിയുക്തം വിശകലനം ചെയ്തിട്ടുണ്ട്, സമര്‍ഥിച്ചിട്ടുണ്ട്,

ക്രമീകരിച്ചിട്ടുണ്ട്

നന്നായി എഴുതി പ്രകടിപ്പിച്ചിട്ടുണ്ട്

ഖണ്ഡികാകരണം , ചിന്ഹനം എന്നിവയില്‍ ശ്രദ്ധിച്ചിട്ടുണ്ട്

പ്രവാസത്തിന്റെ ദുരിതങ്ങള്‍
ആടുജീവിതം=നജീബിന്റെ ജീവിതം
മനുഷ്യന്‍ മനുഷ്യനുമേല്‍ ചെയ്യുന്ന ക്രൂരതകള്‍
പ്രവാസിയുടെ 'നാട്'

പ്രഭാഷണം

വ്യവഹാരം

മൂല്യനിര്‍ണ്ണയ സൂചകങ്ങള്‍

രൂപം: ഉപന്യാസം
100-120 വാക്കുകള്‍
സദസ്സിനെ വന്ദിക്കല്‍
ഖണ്ഡികളില്‍ ഉള്ളടക്കം -ചിന്ഹനം
സ്വന്തം നിരീക്ഷണങ്ങള്‍ : സമര്‍ഥിക്കല്‍
ഉചിതമായ ഭാഷ
നല്ല സമാപനം

(കുട്ടി) ആശയം മനസ്സിലാക്കീട്ടുണ്ട്

ക്രമീകരിച്ചിട്ടുണ്ട്

നന്നായി എഴുതി പ്രകടിപ്പിച്ചിട്ടുണ്ട്

ഖണ്ഡികാകരണം , ചിന്ഹനം എന്നിവയില്‍ ശ്രദ്ധിച്ചിട്ടുണ്ട്

1. പാഠബാഹ്യമായ ഒരു വായനാസാമഗ്രി [ കഥ, കവിത, വാര്‍ത്ത, നിരീക്ഷണം, പ്രസ്താവന..] തന്നിരിക്കുന്ന സൂചകങ്ങളുടെ അടിസ്ഥാനത്തില്‍ പ്രഭാഷണം തയ്യാറാക്കാനുള്ള പ്രവര്‍ത്തനം പ്രതീക്ഷിക്കാം .

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] പ്രഭാഷണം തയ്യാറാക്കുക എന്ന മട്ടിലും ചോദിക്കാം.

1. പ്രവാസത്തിന്റെ ദുരിതങ്ങള്‍

2. ആടുജീവിതം=നജീബിന്റെ ജീവിതം

3. മനുഷ്യന്‍ മനുഷ്യനുമേല്‍ ചെയ്യുന്ന ക്രൂരതകള്‍

4. പ്രവാസിയുടെ 'നാട്'

ആസ്വാദനക്കുറിപ്പ്

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ഉള്ളടക്കം മനസ്സിലാക്കിയിട്ടുണ്ട്
ആസ്വാദനാംശങ്ങള്‍ തിരിച്ചറിഞ്ഞിട്ടുണ്ട്
ക്രമീകരിച്ച് എഴുതിയിട്ടുണ്ട്
ഉചിതമായ ഭാഷ
സ്വന്തം നിരീക്ഷണം ഉണ്ട്

1. പാഠബാഹ്യമായ ഒരു വായനാസാമഗ്രി [ കഥ, കവിത, വാര്‍ത്ത, നിരീക്ഷണം, പ്രസ്താവന..] തന്നിരിക്കുന്ന സൂചകങ്ങളുടെ അടിസ്ഥാനത്തില്‍ പ്രവര്‍ത്തനം പ്രതീക്ഷിക്കാം .

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

കവിതയിലെ (ആസാം പണിക്കാര്‍ ) വരികള്‍
നജീബ്ബ് മനസ്സിനെ പറഞ്ഞ് പഠിപ്പിച്ചു.....

താരതമ്യക്കുറിപ്പ്

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ഉള്ളടക്കം മനസ്സിലാക്കിയിട്ടുണ്ട്
സാമ്യ-വ്യത്യാസങ്ങള്‍ തിരിച്ചറിഞ്ഞിട്ടുണ്ട്
യുക്തിയുക്തം താരതമ്യം ചെയ്തിട്ടുണ്ട്
ക്രമീകരിച്ച് എഴുതിയിട്ടുണ്ട്
ഉചിതമായ ഭാഷ
സ്വന്തം നിരീക്ഷണം ഉണ്ട്

1. പാഠബാഹ്യമായ ഒരു വായനാസാമഗ്രി [ കഥ, കവിത, വാര്‍ത്ത, നിരീക്ഷണം, പ്രസ്താവന..] തന്നിരിക്കുന്ന സൂചകങ്ങളുടെ അടിസ്ഥാനത്തില്‍ ചെയ്യാനുള്ള പ്രവര്‍ത്തനം പ്രതീക്ഷിക്കാം .

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

പ്രവാസനാടും - സ്വന്തം നാടും
ഓര്‍മ്മയും അനുഭവയാഥാര്‍ഥ്യവും

പ്രതികരണക്കുറിപ്പ്

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ഉള്ളടക്കം മനസ്സിലാക്കിയിട്ടുണ്ട്
പ്രതികരിക്കേണ്ടവ തിരിച്ചറിഞ്ഞിട്ടുണ്ട്
യുക്തിയുക്തം പ്രതികരിച്ചിട്ടുണ്ട്`
ക്രമീകരിച്ച് എഴുതിയിട്ടുണ്ട്
ഉചിതമായ ഭാഷ
സ്വന്തം നിരീക്ഷണം ഉണ്ട്

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

1. പ്രവാസജീവിതം ഈ കഥയില്‍

2. അക്കരപ്പച്ച- പടപേടിച്ച് പന്തളത്ത് ചെന്നപ്പോള്‍ പന്തം കൊളുത്തിപ്പട – തുടങ്ങിയ ശൈലികള്‍

3. നജീബിന്റെ കത്ത് ലഭിക്കുന്ന വീട്ടുകാര്‍ പ്രതികരിക്കുന്നത്

സ്വാഭിപ്രായം രേഖപ്പെടുത്തുക

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ഉള്ളടക്കം മനസ്സിലാക്കിയിട്ടുണ്ട്
യുക്തിയുക്തം അഭിപ്രായപ്പെട്ടിട്ടുണ്ട്
ക്രമീകരിച്ച് എഴുതിയിട്ടുണ്ട്
ഉചിതമായ ഭാഷ
സ്വന്തം നിരീക്ഷണം ഉണ്ട്

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

ആടുജീവിതം
നരകമാക്കീടും നരകകീടങ്ങള്‍
പഹയന്മാരോട് പകരം വീട്ടല്‍
പകയില്‍ നീറുന്ന വരുന്ന കാലങ്ങള്‍
കുടവയറിനു കുളിര്‍ത്ത ചോറ്
മനസ്സിനെ പറഞ്ഞുപഠിപ്പിച്ചു
കുതിച്ചു തീവണ്ടി....മുമ്പേ

കഥാപാത്ര നിരൂപണം

വ്യവഹാരം

മൂല്യനിര്‍ണ്ണയ സൂചകങ്ങള്‍

രൂപം; ലഘൂപന്യാസം
1-2 വാക്യങ്ങളില്‍ ആമുഖം
60-70 വാക്കുകളില്‍ ഉള്ളടക്കം
ഖണ്ഡികാകരണം- ചിന്ഹനം
അനുയോജ്യമായ ഭാഷ
യുക്തിയുക്തമായ സമര്‍ഥനം
സ്വന്തം നിരീക്ഷണം
ശീര്‍ഷകം

(കുട്ടി) ഉള്ളടക്കം മനസ്സിലാക്കിയിട്ടുണ്ട്
കഥാപാത്രത്തെ ആഴത്തില്‍ മനസ്സിലാക്കീട്ടുണ്ട്
ക്രമീകരിച്ച് എഴുതിയിട്ടുണ്ട്
ഉചിതമായ ഭാഷ
സ്വന്തം നിരീക്ഷണം ഉണ്ട്

നജീബ്
അര്‍ബാബ്

കത്ത് തയ്യാറാക്കുക

വ്യവഹാരം	മൂല്യനിര്‍ണ്ണയ സൂചകങ്ങള്‍
രൂപം: കത്ത് കത്തിന്റെ ഘടന- (from,to,date,place,സംബോധന, പ്രാര്‍ഥന ) 50-60 വാക്കുകള്‍ ഉചിതമായ ആമുഖം (1-2 വാക്യം ) ഉചിതമായ ഭാഷ ഖണ്ഡിക- ചിന്ഹനം	(കുട്ടി) കത്തിന്റെ രൂപം പിന്തുടര്‍ന്നിട്ടുണ്ട് ഉള്ളടക്കം സ്വാംശീകരിച്ചിട്ടുണ്ട് ഉചിതമായ ഭാഷ ഖണ്ഡികാകരനം- ചിന്ഹനം എന്നിവ പാലിച്ചിട്ടുണ്ട്

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

1. നജീബിന്റെ കത്തിന്ന് വീട്ടുകാര്‍ അയക്കാന്‍ സാധ്യതയുള്ള മറുപടി

2. നജീബ് 'മനസ്സിനെ പറഞ്ഞു പഠിപ്പിച്ചു' അങ്ങനെ അര്‍ബാബിന്ന് തയാറാക്കുന്ന കത്ത്

ശീര്‍ഷത്തിന്റെ ഔചിത്യം എഴുതുക

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ആശയം മനസ്സിലാക്കിയിട്ടുണ്ട്
ശീര്‍ഷകത്തിന്റെ ഔചിത്യം വിലയിരുത്തിയിട്ടുണ്ട്
യുക്തിപൂര്‍വം ചിന്തിച്ചിട്ടുണ്ട്
അനുയോജ്യമായ ഭാഷയില്‍ എഴുതിയിട്ടുണ്ട്

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

1. പാഠഭാഗത്തുള്ള ചെറിയ ഖണ്ഡങ്ങള്‍ക്ക് ശീര്‍ഷകം നല്കി.....

തലക്കെട്ട് മാറ്റുക

വ്യവഹാരം

മൂല്യനിര്‍ണ്ണയ സൂചകങ്ങള്‍

(കുട്ടി) ആശയം മനസ്സിലാക്കിയിട്ടുണ്ട്
തലക്കെട്ടിന്റെ അനുയോജ്യത- വിലയിരുത്തിയിട്ടുണ്ട്
യുക്തിപൂര്‍വം ചിന്തിച്ചിട്ടുണ്ട്
കൂടുതല്‍ അനുയോജ്യമായ തലക്കെട്ട് നല്കിയിട്ടുണ്ട്

2. പാഠഭാഗത്തുനിന്നുള്ളവ [ സൂചനകള്‍ വെച്ച് ] എന്ന മട്ടിലും ചോദിക്കാം. ഇങ്ങനെ:

1. ആടുജീവിതം

2. ആസാം പണിക്കാര്‍

യൂണിറ്റ് 3 സംഗ്രഹം

2011-11-21T16:27:00.001-08:00

എസ്.എസ്.എല്‍.സി. മലയാളം (കേരളപാഠാവലി ) യൂണിറ്റ് 3
പ്രവര്‍ത്തനങ്ങളുടെ സംഗ്രഹം ഇവിടെ കാണുക

അശാന്തിപര്‍വങ്ങള്‍ക്കപ്പുറം

(യൂണിറ്റ്3 ന്റെപ്രവര്‍ത്തനങ്ങളുടെ സംഗ്രഹം)

സെപ്തംബര്‍1 മുതല്‍ഒക്ടോബര്‍ 10 വരെയുള്ള പഠനപ്രവര്‍ത്തനങ്ങള്‍

മൂന്നുപാഠങ്ങള്‍ ഈ യൂണിറ്റിലുണ്ട്.അവ:

ഗാന്ധാരീവിലാപം

പട്ടാളക്കാരന്‍

അര്‍ജുനവിഷാദയോഗം

എന്നിവയാണ്`.സര്‍ക്കാര്‍നിര്‍ദ്ദേശിക്കുന്ന(വാര്‍ഷികാസൂത്രണം)സമയത്തിനുള്ളില്‍ഈ യൂണിറ്റ് തീര്‍ന്നുകാണും എന്നു കരുതാം.അപ്പോള്‍ ഈയൂണിറ്റിലെ പ്രവര്‍ത്തനങ്ങളുടെസംഗ്രഹം ഇങ്ങനെയാവാം.അതുകൊണ്ടുതന്നെഈ കുറിപ്പ് കുട്ടിക്ക് ഏറെസഹായകമാവും.

വാര്‍ഷികാസൂത്രണരേഖയില്‍സര്‍ക്കാര്‍ നിര്‍ദ്ദേശിച്ചിട്ടുള്ളപ്രവര്‍ത്തനങ്ങള്‍ താഴെകൊടുക്കാം. കൂടെഅതിലൂടെ കുട്ടി കൈവരിക്കുന്നശേഷികളും ഉള്‍പ്പെടുത്തുന്നു.

പ്രസംഗം എല്‍.പി.തലം

2011-11-18T06:15:00.001-08:00

സ്കൂള്‍,സബ്‌‌ജില്ലതലങ്ങളില്‍ എല്‍.പി.കുട്ടികള്‍ക്ക്പ്രസംഗം [5മിനുട്ട്] ഒരു മത്സരഇനമാണല്ലോ.എന്നാല്‍ അവിടെപലപ്പോഴും അവര്‍ക്ക്പ്രസംഗിക്കാനായി നല്കുന്നവിഷയങ്ങള്‍ മുതിര്‍ന്നകുട്ടികള്‍ക്ക്നല്‍കുന്നതില്‍ നിന്നും ഒരിക്കലും വ്യത്യസ്തമാവാറില്ല.അതുകൊണ്ടുതന്നെചെറിയകുട്ടികളുടെ പങ്കാളിത്തം, മുതിര്‍ന്നകുട്ടികളേപ്പോലെചെയ്യാന്‍ കഴിയുന്നവര്‍ക്ക്മാത്രമായി ചുരുങ്ങുന്നു.കുട്ടിയെ കുട്ടിയായികാണാന്‍ നമുക്ക് നോക്കാം.

ചിലവിഷയങ്ങള്‍ ഇങ്ങനെ ആയാലോ?

എന്റെകൂട്ടുകാര്‍
എനിക്കേറ്റവും ഇഷ്ടമുള്ളത് ചെയ്യാന്‍അനുവദിക്കാതിരിക്കുമ്പോള്‍
എന്റെവീട് , എന്റെനാട്, എന്റെരാജ്യം
എനിക്ക്ഇപ്പോള്‍ ഈശ്വരനോട് പറയാനുള്ളത്
ഗാന്ധിജിയെഎനിക്കറിയാം
എന്റെസ്ങ്കല്പ്പത്തിലെ സ്കൂള്‍
ഞാന്‍പത്രം വായിക്കുന്നതെന്തിന്ന്?
ഞാന്‍സിനിമ കാണുന്നതെന്തിന്ന് ?
പുസ്തകം എന്റെ കൂട്ടുകാരന്‍ /കാരി
കുഞ്ഞനിയത്തിയോട്ഇപ്പോള്‍ എനിക്ക് എന്താണ്`പറഞ്ഞുകൊടുക്കാനുള്ളത്?
എന്നെഏറ്റവും വേദനിപ്പിച്ച ഒരുകാഴ്ച്ച
എന്തുകൊണ്ട്എന്റെ കൂട്ടുകാര്‍ ചിലര്‍ക്ളാസില്‍ തോറ്റുപോകുന്നു?
എനിക്ക്വിശക്കുമ്പോള്‍ ആഹാരം കിട്ടുന്നതെങ്ങനെ?
.....

അഭിപ്രായം (സാധ്യതകള്‍ പരിഗണിച്ച് )പറയുമല്ലോ!

പ്രവര്‍ത്തനങ്ങള്‍ -ലിസ്റ്റ്

2011-11-12T16:40:00.001-08:00

SSLC MALAYALAM AT Download PDF

യൂണിറ്റ്	പ്രവര്‍ത്തനം -നിര്‍ദ്ദേശിച്ചവ	മുന്‍യൂണിറ്റില്‍ നിന്ന് ആവര്‍ത്തിക്കുന്നവ	യൂണിറ്റില്‍ പുതിയത്
1	വിശകലനം വാമൊഴിവിശകലനം അര്‍ഥതലം (കണ്ടെത്തല്‍) അന്വേഷണം പ്രയോഗകൗതുകം ഉപന്യാസം പ്രഭാഷണം ആസ്വാദനം താരതമ്യം ഔചിത്യം വര്‍ണ്ണനാപാടവം (കണ്ടെത്തല്‍ ) നാടകാഭിമയം മൂകാഭിനയം ! സെമിനാര്‍ അഭിമുഖം സര്‍ഗാത്മകരചന പ്രതികരണം സ്വാഭിപ്രായം കഥാപാത്രനിരൂപണം
2	വിശകലനം വാമൊഴിവിശകലനം പാനല്‍ചര്‍ച്ച അന്വേഷണം മുഖപ്രസംഗം സ്വഗതാഖ്യാനം പ്രയോഗകൗതുകം ഉപന്യാസം പ്രഭാഷണം ആസ്വാദനം താരതമ്യം ഔചിത്യം കഥാപഠനം വര്‍ണ്ണനാപാടവം സെമിനാര്‍ അഭിമുഖം സര്‍ഗാത്മക രചന പ്രതികരണം	വിശകലനം വാമൊഴിവിശകലനം അന്വേഷണം പ്രയോഗകൗതുകം ഉപന്യാസം പ്രഭാഷണം ആസ്വാദനം താരതമ്യം ഔചിത്യം വര്‍ണ്ണനാപാടവം സെമിനാര്‍ അഭിമുഖം സര്‍ഗാത്മക രചന പ്രതികരണം	പാനല്‍ചര്‍ച്ച മുഖപ്രസംഗം സ്വഗതാഖ്യാനം കഥാപഠനം
3	വിശകലനക്കുറിപ്പ് അര്‍ഥതലം കണ്ടെത്തല്‍ സന്ദര്‍ഭവും ഭാഷയും പ്രയോഗസൗന്ദര്യം ഉപന്യാസം പ്രഭാഷണം ആസ്വാദനക്കുറിപ്പ് താരതമ്യക്കുറിപ്പ് ഔചിത്യം വര്‍ണ്ണനാപാടവം സെമിനാര്‍ പ്രതികരണം സാദൃശ്യകല്പ്പന കഥാപാത്രനിരൂപണം കഥാനിരൂപണം ചലച്ചിത്രമേള കവിതയരങ്ങ്	വിശകലനക്കുറിപ്പ് അര്‍ഥതലം കണ്ടെത്തല്‍ പ്രയോഗസൗന്ദര്യം ഉപന്യാസം പ്രഭാഷണം ആസ്വാദനക്കുറിപ്പ് താരതമ്യക്കുറിപ്പ് ഔചിത്യം വര്‍ണ്ണനാപാടവം സെമിനാര്‍ പ്രതികരണം കഥാപാത്രനിരൂപണം കഥാനിരൂപണം	സന്ദര്‍ഭവും ഭാഷയും സാദൃശ്യകല്പ്പന ചലച്ചിത്രമേള കവിതയരങ്ങ്
4	വിശകലനം അര്‍ഥതലം ഉപന്യാസം പ്രഭാഷണം ആസ്വാദനം താരതമ്യം ഔചിത്യം സെമിനാര്‍ പ്രതികരണം സാദൃശ്യകല്പ്പന കഥാപാത്രനിരൂപണം കഥാനിരൂപണം കഥയുടെ പൊരുള്‍	വിശകലനം അര്‍ഥതലം ഉപന്യാസം പ്രഭാഷണം ആസ്വാദനം താരതമ്യം ഔചിത്യം സെമിനാര്‍ പ്രതികരണം സാദൃശ്യകല്പ്പന കഥാപാത്രനിരൂപണം കഥാനിരൂപണം	കഥയുടെ പൊരുള്‍
5	ചിത്ര വിശകലനം ചിത്ര നിരീക്ഷണം വിശകലനക്കുറിപ്പ് ആഖ്യാനസവിശേഷതകള്‍ പതിപ്പ് പ്രബന്ധം ആവിഷ്കാരരീതി (കണ്ടെത്തല്‍) കവിതയരങ്ങ് പ്രതികരണക്കുറിപ്പ് വരയും എഴുത്തും ഉപന്യാസം വിമര്‍ശനാത്മക രചന	വിശകലനക്കുറിപ്പ് പ്രബന്ധം കവിതയരങ്ങ് പ്രതികരണക്കുറിപ്പ് ഉപന്യാസം	ചിത്ര വിശകലനം ചിത്ര നിരീക്ഷണം ആഖ്യാനസവിശേഷതകള്‍ പതിപ്പ് ആവിഷ്കാരരീതി (കണ്ടെത്തല്‍) വരയും എഴുത്തും വിമര്‍ശനാത്മക രചന

പരീക്ഷയുമായിബന്ധപ്പെട്ട് പ്രസക്തമായവ- ഇതുകൂടികുട്ടി മനസ്സിലാക്കിയിരിക്കുന്നത്നല്ലതാവും

പട്ടിക/പോസ്റ്റര്‍/നോട്ടിസ്സ്/വാര്‍ത്ത/കാര്യപരിപാടി/ബയോഡാറ്റ/എഡിറ്റോറിയല്‍/ഭാഷ-എഡിറ്റിങ്ങ്/അടിക്കുറിപ്പ്/ശീര്‍ഷകം നല്‍കല്‍ /ശീര്‍ഷകം-ഔചിത്യം /ഡയറിക്കുറിപ്പ്/ആമുഖം/സ്വാഗതം/പരിചയപ്പെടുത്തല്‍/അനുസ്മരണം/അഭിമുഖചോദ്യങ്ങള്‍ /റിപ്പോര്‍ട്ട്/സന്ദേശവാക്യം/പരസ്യവാചകം/നിവേദനം/

പരീക്ഷക്ക്(TerminalExamination ) സാധ്യതയുള്ളപ്രവര്‍ത്തനങ്ങള്‍:

വിശകലനം / വാമൊഴിവിശകലനം / അര്‍ഥതലം (കണ്ടെത്തല്‍) / അന്വേഷണം / പ്രയോഗകൗതുകം / ഉപന്യാസം / പ്രഭാഷണം
ആസ്വാദനം / താരതമ്യം / ഔചിത്യം

അഭിമുഖം / പ്രതികരണം
സ്വാഭിപ്രായം / കഥാപാത്രനിരൂപണം
വര്‍ണ്ണനാപാടവം (കണ്ടെത്തല്‍ )

മുഖപ്രസംഗം / കഥാപഠനം / സന്ദര്‍ഭവും ഭാഷയും
സാദൃശ്യകല്പ്പന

പട്ടിക / പോസ്റ്റര്‍ / നോട്ടിസ്സ് / വാര്‍ത്ത / കാര്യപരിപാടി / ബയോഡാറ്റ / എഡിറ്റോറിയല്‍ / ഭാഷ-എഡിറ്റിങ്ങ് / അടിക്കുറിപ്പ് / ശീര്‍ഷകം നല്‍കല്‍ / ശീര്‍ഷകം- ഔചിത്യം / ഡയറിക്കുറിപ്പ് / ആമുഖം / സ്വാഗതം / പരിചയപ്പെടുത്തല്‍ / അനുസ്മരണം / അഭിമുഖ ചോദ്യങ്ങള്‍ / റിപ്പോര്‍ട്ട് / സന്ദേശവാക്യം / പരസ്യവാചകം /നിവേദനം /

യാത്രയ്ക്കുള്ള ഒരുക്കം

2011-11-06T00:09:00.000-07:00

സ്കൂളില്‍നിന്നുള്ള വിനോദയാത്രക്കൊരുക്കം കുട്ടിയേക്കാളധികം അഛനമ്മമാര്‍ക്കാണ്`. പണം,ഉടുപ്പുകള്‍,ഭക്ഷണം, കൃത്യസമയത്ത്സ്കൂളിലെത്തിക്കുക......തുടങ്ങിആകെ പരിഭ്രമമാണ്`. കുട്ടിയോ,കാണാന്‍ പോകുന്നപൂരത്തെക്കുറിച്ചുള്ളസ്വപ്നങ്ങളില്‍. അടിപൊളിയായിയാത്രകഴിഞ്ഞ് ക്ഷീണിച്ച്തിരിച്ചെത്തുന്നതുവരെഒരുക്കവും തിരക്കും.സ്കൂളിലും ഇതുതന്നെ.ചുമതലയുള്ളഅധ്യാപകര്‍ക്ക് നല്ല തിരക്ക്.സന്ദര്‍ശനം തേടുന്നസ്ഥലങ്ങളില്‍ നിന്നുള്ളഅനുമതി നേടല്‍ , കുട്ടികളുടെലിസ്റ്റ് തയ്യാറാക്കല്‍,രക്ഷിതാക്കളില്‍നിന്ന് അനുമതി വാങ്ങല്‍ഭരനതലത്തിലൊക്കെ വിവരമറിയിച്ച്അനുമതി വാങ്ങല്‍ എന്നിങ്ങനെനല്ല പണിയാണ്`. യാത്രതുടങ്ങിയാല്‍ തിരിച്ചെത്തും വരെ ചുമതലക്കാര്‍ക്ക് മനസ്സില്‍ തീതന്നെ.

സ്കൂള്‍തലത്തില്‍ നടക്കുന്ന ഒരുപ്രവര്‍ത്തനമാണ്` വിനോദ-പഠനയാത്ര.അതുകൊണ്ടുതന്നെഅക്കാദമിക്ക് ആയി ഈ പ്രവര്‍ത്തനം ഗുണം ചെയ്യണം. ഈഒരു സങ്കല്പ്പത്തില്‍മേല്പ്പറഞ്ഞ അധ്വാനം എത്രത്തോളം പ്രവര്‍ത്തിക്കുന്നു എന്നുപരിശോധിക്കാന്‍ എല്ലായ്പ്പോഴും മറന്നുപോകുന്നു. അല്ലെങ്കില്‍ ഈയൊരു ഉന്നം കണ്ടുള്ളമുന്നൊരുക്കം തീരെ കുറവാണെന്ന് എന്ന` കാണാം.ഈ വിഷയം ചര്‍ച്ചചെയ്യണം.അക്കാദമിക്കായി വിനോദ-പഠനയാത്രകള്‍ കുട്ടിക്ക് ഉപകരിക്കപ്പെടണം.

ഏറ്റവും ആദ്യം ആലോചിക്കേണ്ടത് സ്കൂളിലെഎല്ലാ കുട്ടികള്‍ക്കും അവസരം കിട്ടണം. വര്‍ഷത്തിലൊരിക്കല്‍ഒരു സ്കൂളില്‍ നിന്ന് ഒരുയാത്ര എന്ന രീതി ആയിക്കൂടാ.അതുകൊണ്ടുതന്നെവലിയ (ഒരു )പണച്ചെലവുമില്ലാത്തയാത്രകള്‍ ആലോചിക്കണം .യാത്രകളില്‍പ്രതീക്ഷിക്കുന്ന പഠന – വിനോദമൂല്യങ്ങള്‍ നിര്‍ണ്ണയിക്കണം.അതനുസരിച്ചുള്ളപഠനപ്രവര്‍ത്തനങ്ങള്‍ മുങ്കൂട്ടി നിശ്ചയിക്കണം.ഒറ്റക്കും ഗ്രൂപ്പായും ചെയ്യാവുന്നസംഗതികള്‍ ഉണ്ടാവണം.മൂല്യങ്ങളില്‍ വൈകാരിക-വൈചാരികഅംശങ്ങള്‍ക്കെല്ലാം പ്രാധാന്യം നല്‍കണം. ഉദാഹരണമായിസ്കൂളിന്നടുത്തുള്ള ഒരുനദീതീരസന്ദര്‍ശനം ആണ്`പ്ളാന്‍ ചെയ്യുന്നതെങ്കില്‍:

ഭാഷാവിഷയത്തില്‍-

പാഠപുസ്തകങ്ങളിലെനദീവര്‍ണ്ണനകള്‍, നദീബിംബങ്ങള്‍ , ഉപമകള്‍,ചൊല്ലുകള്‍,ശൈലികള്‍,സൂചിതകഥകള്‍,അനുസ്മരണങ്ങള്‍,അനുഭവങ്ങള്‍,കല്പ്പിതകഥകള്‍ , പുരാണസൂചനകള്‍തുടങ്ങിയ സംഗതികള്‍ ഓര്‍ക്കാനും, ആസ്വദിക്കാനും,വിലയിരുത്താനും,താതതമ്യം ചെയ്യാനും,പുനര്‍സൃഷ്ടിക്കാനും,പുതുരചനകളിലേര്‍പ്പെടാനും എല്ലാം അവസരം എല്ലാര്‍ക്കു ഉണ്ടാകണം. നദി,ജലം, മണല്‍,കല്ലുകള്‍, മണല്ത്തിട്ട,ഒഴുക്ക്, വലിപ്പം,നദീതീരം തുടങ്ങിഎല്ലാ പരിഗണിക്കപ്പെടണം.ഇതിനൊക്കെ വേണ്ടത്രസമയം അനുവദിക്കണം. അതത്സമയങ്ങളില്‍ വേണ്ട വിശദീകരണങ്ങളും ചൂണ്ടിക്കാണിക്കലുകളും പങ്കിടലുകളും കൂട്ടിച്ചേര്‍ക്കലുകളും ഉണ്ടാവണം.പ്രോത്സാഹിപ്പിക്കലും,അനുമോദിക്കലും വേണം. എല്ലാം ചേരുന്ന പഠനപരിപാടിതന്നെയായിരിക്കണം 'വിനോദം'. പഠനംവിനോദവും വിനോദം പഠനവുമാക്കാന്‍ ഇതിലുമേറെ പറ്റിയപ്രവര്‍ത്തനം വേറെകാണാനാവില്ലല്ലോ.നദീതീരമാണെങ്കിലും,കലാമണ്ഡലമാണെങ്കിലും,ഊട്ടിയാണെങ്കിലും അതിരപ്പിള്ളി യാണെങ്കിലുംഗോവയാണെങ്കിലും ഇതെല്ലാം സുസാധ്യവുമാണ്`.ഒരുയാത്രകഴിഞ്ഞെത്തുന്ന കുട്ടിക്ക്' മലനാടെത്രമേല്‍ മധുരദര്‍ശനം; അലിവോടോര്‍ത്തതീയമലനാടിനെ'എന്ന വരികള്‍ സ്വയം ആസ്വദിക്കാറാവണം.കൂട്ടിച്ചേര്‍ക്കാറാവണം.നല്ലൊരുദ്യാനം കണ്ടുവരുന്ന കുട്ടിക്ക് 'ചലദളി ഝ്കങ്കാരം..., കോകില കൂജിതം....ഒക്കെ എന്തെന്ന്ക്ളാസില്‍ അപരിചിതമാവില്ല. പാഠഭാഗത്തെ ഈവരികളിലെ വിരോധാഭാസം ആസ്വദിക്കാനും കഴിയും. ആസ്വാദനം കുറിപ്പാക്കാന്‍ ക്ളാസ്മുറിയില്‍ പ്രവര്‍ത്തനങ്ങള്‍ക്ക്കുറവില്ലതാനും.

ശാസ്ത്രവിഷയത്തില്‍-

നദീഘടകങ്ങള്‍ ശാസ്ത്രബുദ്ധിയോടെ നോക്കിക്കാണാന്‍ സാധിക്കണം. ജലത്തിന്റെഅളവ്, മലിനീകരണം,ഒഴുക്ക് ദിശ-വേഗത- പ്രവേഗം- ദിശാമാറ്റങ്ങള്‍-ആഴം - ജലവര്‍ണ്ണം-കാറ്റിനെഗതി-ഓളങ്ങള്‍-തീരം-കല്ലുകള്‍-മണല്‍- എന്നിങ്ങനെവിവിധ സംഗതികളില്‍ അന്വേഷണങ്ങള്‍ക്കുള്ളപ്രയോഗങ്ങള്‍ ഉണ്ടാവണം.ചരിത്രം, ഗണിതം,ജീവശാസ്ത്രം തുടങ്ങിയ വിഷയങ്ങളിലൊക്കെ അന്വേഷണങ്ങള്‍ ചെല്ലാന്‍പ്രാപ്തമാക്കുന്ന ഗതിഭേദങ്ങള്‍വേണം.ഇതിനൊക്കെഉതകുന്ന പ്രവര്‍ത്തനങ്ങളും സാധ്യമായ ഉപകരണങ്ങളും കയ്യില്‍ കരുതണം.യാത്രക്കുവളരെമുന്‍പേ ക്ളാസില്‍ 'യാത്രക്കുള്ളഒരുക്കം' തുടങ്ങണം. നദിയായാലും കാടായാലും കടലായാലും കലാമണ്ഡലമായാലും കന്യാകുമാരിയായാലും പഠിക്കാനായിരിക്കണം യാത്ര.പഠനമായിരിക്കണം വിനോദം.

ഈമട്ടിലൊരു യാത്ര പ്ളാന്‍ചെയ്യാന്‍ കഴിയുക എന്നതാണ`വിനോദയാത്രക്കുള്ളചുമതലക്കാരന്‍ ഏറ്റെടുക്കുന്നവെല്ലുവിളി. ഒരുചുമതലക്കാരന്റെ മാത്രം ശ്രമാവില്ല ഇത്. എല്ലാഅധ്യാപകരുടേയും ചുമതലയായിരിക്കും.എല്ലാ കുട്ടിക്കും ഉള്ള പഠനയാത്രയായിരികും.പഠനയാത്ര സ്വയമേവവിനോദയാത്രയായി മാറും.പഠനം വിനോദവും വിനോദം പഠനവുമാകും.

ഇനി വിനോദയാത്രകള്‍

2011-11-03T06:01:00.001-07:00

മഴക്കാലം തീരുന്നതോടെ സ്കൂളുകളില്‍ഇനി വിനോദയാത്രകളുടെ കാലമാണ്`.ചെറുതും വലുതുമായപഠന-വിനോദയാത്രകള്‍.യാത്രകള്‍കുട്ടികള്‍ക്കേറ്റവും പ്രിയപ്പെട്ടവതന്നെ.പണ്ടൊക്കെ (ഞങ്ങളുടെകുട്ടിക്കാലത്ത് ) വിനോദയാത്രപോകാനുള്ള പണം കിട്ടാന്‍ കരഞ്ഞ കരച്ചിലെത്രയെന്നോ.കുടുംബത്തിലെദാരിദ്ര്യം . ഇന്നതൊക്കെപഴയകഥ.

യാത്രക്കുള്ളഒരുക്കം നേരത്തെ തുടങ്ങും.പോകുന്ന സ്ഥലങ്ങള്‍,അവിടെ കാണാനുള്ളസംഗതികള്‍ , പ്രാധാന്യങ്ങള്‍,നേരത്തേ അവിടം സന്ദര്‍ശിച്ചിട്ടുള്ളമുതിര്‍ന്നവരുടെ അതിശയോക്തിചേര്‍ന്ന കഥകള്‍, അങ്ങനെയങ്ങനെ.എന്തായാലും യാത്രാദിവസം രാവിലെ , പുറപ്പെടും മുന്‍പ് ടീച്ചര്‍ നിര്‍ദ്ദേശങ്ങള്‍തരും. ഒന്നിച്ച്നടക്കണം, വരിവരിയായിപോണം, കൂട്ടംതെറ്റിപോകരുത്.... പിന്നെ,എല്ലാം നന്നായികാണണം...കണ്ടതൊക്കെകുറിച്ചു വെക്കണം.(നോട്ട്ബുക്കും പേനയും കയ്യില്‍ നിര്‍ബന്ധം.) ഹേഡ്മാസ്റ്റര്‍ യാത്രാനുമതി തരുമ്പോള്‍ ഓര്‍മ്മിപ്പിക്കും:കണ്ടതൊക്കെ എഴുതണം,നല്ല യാത്രാക്കുറിപ്പിന്ന്സമ്മാനം ഉണ്ട്...(യാത്രയും യാത്രാക്ഷീണവും കഴിയുമ്പോഴേക്ക്സമ്മാനക്കാര്യമൊന്നും പിന്നെയാരും ഓര്‍ക്കാറും ഇല്ല. ഓരോതെരക്കുകള്‍ ....യാത്രാക്കുറിപ്പ്എഴുതിയവരുകൂടി അതെല്ലാം മറക്കും..)

ഇന്നും ഇതിനൊന്നും വലിയ മാറ്റമില്ല.പഠനയാത്ര എന്നാണ്`പേരെങ്കിലും യാത്രതുടങ്ങുന്നതോടെ സംഭവം വെറും വിനോദയാത്രയായി മാറും.പഠനയാത്ര എന്നനിലയില്‍ വേണ്ടത്ര മുന്‍കരുതലുകള്‍,തയ്യാറെടുപ്പുകള്‍ഇല്ലാത്തതിന്റെ പരാധീനതഉടനീളം ഉണ്ടാവും. എന്നാല്‍ഒരല്പ്പം ശ്രദ്ധിച്ചാല്‍ പഠനയാത്ര നല്ലൊരു ക്ളാസനുഭവമാക്കാനും കഴിയും. ഏതുവിഷയത്തിനും അനുഭവങ്ങള്‍നല്കാന്‍ കഴിയുന്ന ചലിക്കുന്നക്ളാസ്മുറി.

ഏട്ടില്‍നിന്നും നാട്ടിലേക്ക്

യാത്രപ്രധാനമായും കാഴ്ച്ചാനുഭവങ്ങളാണ്`.അനുഭവങ്ങളില്‍ഏറ്റവും മികച്ചതും ഈ നേരനുഭവം ആണല്ലോ. സാഹിത്യത്തില്‍വലിയൊരളവോളം ഇതുതന്നെയാണ്.കഥ, കവിത,നാടകം, നോവല്‍എന്നിങ്ങനെ വ്യവഹാരങ്ങളായും ഇവക്കുള്ളിലെ ഉള്ളടക്കമായഭാഷ, ബിംബം,അലങ്കാരങ്ങള്‍ ,കഥാപാത്രചിത്രീകരണം, പ്രകൃതിവര്‍ണ്ണനതുടങ്ങിയവയെല്ലാം അധികവും എഴുത്തുകാരന്റെ കാഴ്ച്ചാനുഭവങ്ങളാണ്`എന്നതില്‍ സംശയം വേണ്ട. ജീവിതത്തിന്റെ'ഊടും പാവും'ആദ്യം നേരില്‍കാണുകയാണ`. പിന്നീടത്ഭാവനയുടേയും ചിന്തയുടേയും അനുഭവവിശകലനങ്ങളുടേയും ഒക്കെ മൂശകളില്‍ വെച്ച്സ്പുടം ചെയ്ത് എഴുത്തുകാരന്‍ആവിഷ്കരിക്കുന്നു.

കാവിമണ്ണിഴുകുംകൊമ്പു

കുലുക്കിത്താടയാട്ടിയും

കുതിച്ചുപാഞ്ഞൂചിങ്ങപ്പൂ-

ത്തേരില്‍പൂട്ടിയ കാളകള്‍

(സൗന്ദര്യപൂജ)

എഴുത്തുകാരന്‍മാത്രമല്ല എല്ലാ കലാപ്രവര്‍ത്തകനും ഇതുതന്നെയാണ` സര്‍ഗാത്മകതകൊണ്ട്സാധ്യമാക്കുന്നത്.കേവലഭാവനപോലും ചില നേരനുഭവങ്ങളുടെ വിത്തുകളില്‍നിന്ന് മുളപ്പിച്ചെടുക്കുന്നതാണ്`.

കലാകാരന്‍മാത്രമല്ല, ശാസ്ത്രകാരനും ചരിത്രകാരനും സാമ്പത്തികവിദഗ്ദ്ധനും എല്ലാം അനുവര്‍ത്തിക്കുന്നത് ഈസര്‍ഗ്ഗവഴികളാണ്`. ന്യൂട്ടന്റെതലയില്‍ പതിച്ച ആപ്പിള്‍വലിയ പാഠങ്ങള്‍ ഉണ്ടാക്കാന്‍ ശാസ്ത്രലോകത്ത മുഴുവന്‍ സഹായിക്കായായിരുന്നല്ലോ. പ്രകൃതിയിലെചലനങ്ങള്‍, രീതികള്‍,നിയമങ്ങള്‍ എന്നിവദീര്‍ഘകാലം പിന്തുടര്‍ന്ന്നിരീക്ഷിക്കുകയും പഠിക്കുകയും വികസിപ്പിക്കുകയുമാണ്`ഇവരെല്ലാം. എല്ലാവര്‍ക്കും ആദ്യപാഠപുസ്തകം പ്രകൃതിതന്നെ.

ക്ളാസ്‌‌മുറികളില്‍ നാം പഠിക്കുന്നത്ഇങ്ങനെസൃഷ്ടിക്കപ്പെട്ടസാഹിത്യവും ശാസ്ത്രവും ചരിത്രവും ഒക്കെത്തന്നെയാണ്`.ഇത` ബോധ്യപ്പെട്ടാല്‍ ഇനി നമ്മുടെ പഠനയാത്രകള്‍ കുറേകൂടി അര്‍ത്തവത്താക്കിത്തീര്‍ക്കാന്‍നമുക്കാവും. കാണാന്‍പുറപ്പെടുന്നതിന്നു മുന്പ് ഈ ബോധ്യം ഉണ്ടാവണം. ഈബോധ്യത്തോടെ വിനോദ - പഠനയാത്രക്കിറങ്ങിയാല്‍

'തെച്ചിപ്പഴങ്ങളിറുത്തുകൊണ്ടോടുന്ന

തെക്കന്‍മണിക്കാറ്റ് ഒതു'ന്നത് കേള്‍ക്കാന്‍ കഴിയും.

ചെടികളും ഇലകളും കാണുമ്പോള്‍ 'ഫിബനോച്ചിയുടെതിയറം ' തിരിച്ചറിയും. ഇതിനൊന്നും വലിയപണച്ചെലവുളള വലിയ യാത്രകള്‍വേണ്ട. നമ്മുടെചുറ്റുപാടുകളില്‍ ചെയ്യുന്നചെറിയ യാത്രകള്‍ ധാരാളം.ത്രികോണമിതിയും , പരിണാമസിദ്ധാന്തവും നമുക്ക് അനുഭവവേദ്യമാകും.വിനോദയാത്രകളില്‍ കൂടെപ്പോരുന്ന അധ്യാപകരുടെസഹായം കൂടിയുണ്ടെങ്കില്‍ഉഷാറായി. പരിസ്ഥിതിനാശവും, മണ്ണിടിച്ചിലും , പുഴഗതിമാറുന്നതും , മരുവത്ക്കരണവും വിനോദയാത്രയില്‍ കാണാം. ഇതൊക്കെ ശ്രദ്ധിക്കയും കഴിയുന്നത്ര ഫോട്ടോകള്‍,സ്കെച്ചുകള്‍,വിവരണങ്ങള്‍എന്നിവകൂടി സംഭരിക്കാനായാല്‍എത്ര നല്ല പഠോപകരണങ്ങളാവും ഇതെല്ലാം. ഇതെല്ലാം ഒരാള്‍ ഒറ്റക്ക് വേണമെന്നില്ല;ഗ്രൂപ്പുകളില്‍ചെയ്യണം. ചുമതഏല്പ്പിക്കണം, സഹായം നല്കണം എന്നുമാത്രം.

(യാത്രക്കൊരുക്കം അടുത്തപോസ്റ്റില്‍ ആവാം )